Саясат пен билік

АҚШ-тағы Каспий Саясат Орталығының делегациясы Түркі академиясына арнайы келді

Мәртебелі  меймандарды Түркі академиясының  басшысы Дархан Қыдырәлі қарсы алды.

12 шілде күні Түркі академиясына штаб-пәтеріне АҚШ-тың Вашингтон қаласында орналасқан Каспий саясат орталығының (CPC) делегациясы арнайы келді деп жазады академияның баспасөз қызметіне сілтеме жасаған newsroom.kz тілшісі.  

СРС Бас директоры Эфган Нифти басшылығындағы делегация құрамында АҚШтың Қазақстандағы бұрынғы елшісі және CPC Басқарма кеңесінің мүшесі Ричард Э. Хоагланд, CPC бағдарлама маманы Джереми Коэн болды. Мәртебелі  меймандарды Түркі академиясының  басшысы Дархан Қыдырәлі қарсы алды. Екі жақты кездесу барысында аталған орталық пен Түркі академиясы арасында тұрақты әріптестік  байланыс орнату мәселелері талқыланды.

Түркі академиясының президенті Дархан Қыдырәлі ұйымның мақсаты мен қызметі туралы кеңінен мәлімет беріп, БҰҰ, ЮНЕСКО және ИСЕСКО сияқты іргелі халықаралық ұйымдардың штаб-пәтерлерінде Академия тарапынан ұйымдастырылған іс-шаралар жөнінде айтты.

Өз кезегінде делегация жетекшісі Эфган Нифти CPC-тың АҚШ-тағы Каспий маңы аймағы туралы зерттеулер жүргізетін маңызды сараптама орталығы екеніне тоқталды. Сондай-ақ ол Нұр-Сұлтан қаласына алғашқы ресми сапары аясында Академияға келегенін мәртебе санайтынын жеткізді.

Кезедсуде сөз алған Елші Ричард Э. Хоагланд өзінің бірнеше жылдар бойы Қазақстан мен Әзербайжанда қызмет еткенін және Орталық Азия аймағының халықаралық аренадағы маңызы едәуір артқанын атап өтті.

Түркі академиясы жүзеге асырған жобаларды жоғары бағалаған делегация басшысы Эфган Нифти Каспий саясат орталығының Академиямен тығыз ынтымақтастық орнатуға ынталы екенін мәлімдеді.

Кездесу соңында ұйым басшысы Дархан Қыдырәлі CPC Бас директоры Эфган Нифтиге Академия шығарған бағалы басылымдарды сыйға тартты.

Жазба қандай әсер қалдырды?

Жазбаға баға беріңіз!

Орташа 5 / 5. Бағалар саны: 1

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.