Түркістан облысы

Түркістандық спортшылар Азия чемпионатында жеңімпаз атанды

0
(0)

Бокстан Азия чемпионатында Қазақстан жастар құрамасы бас жүлдеге ие болды, деп хабарлайды newsroom.kz.

Тамыздың 17-31 аралығында Біріккен Араб әмірлігі, Дубай қаласында бокстан жастар мен жасөспірімдер арасында 18 мемлекеттің қатысуымен Азия чемпинонаты өтті. Түркістан облыстық №5 олимпиада резервінің мамандандырылған балалар мен жасөспірімдер спорт мектебінен жасөспірімдер арасында 1 спортшы, Сабырхан Төрехан 52 келі салмақта алтын медаль иеленді.

Жастар арасында 2 спортшы, жастар қыздар арасында 1 спортшы қатысып, Абдікарим Абдіғалым 57 келіде сынға түсіп, жеңімпаз атанды. Сонымен қатар, рингте өзінің мықтылығын көрсеткен +92 келіде ел намысын қорғаған Сапарбай Даниял күміс жүлдегер атанды. Жекпе-жекте 70 келі салмақта жұдырықтасқан талантты боксшы кызымыз Гаухар Шайбекова да күміс жүлдені иеленді. Түркістан облыстық № 5 олимпиада резервінің мамандандырылған балалар мен жасөспірімдер спорт мектебінен жалпы 4 спортшы қатысып, 2 спортшы алтын, 2 спортшы күміс иеленді.

Осылайша Дубайда бокстан өткен кезекті Азия чемпионатында Қазақстанның жастар құрамасы ғаламат жетістікке жетті. Рингте өздерінің мықтылықтарын дəлелдеп, қарсылас шыдатпаған жастарымыз Азияда үздік атанды. Жалпы, Қазақстан жастар құрамасы бокстан Азия чемпионатында 8 – алтын, 2 – күміс, 2 – қола еншілеп, бас жүлдені иеленді. Бұл додада бокстан сары құрлық елдерінің адуынды жастары бас қосып, тəжірибелерін арттырды. Екінші орынды 3 – алтын, 3 – күміс, 1 – қоламен Өзбекстан жастары иеленді. Азия чемпионатының жекпе-жегінде бұрымды боксшыларымыз Аида Сарибарова мен Ұлжан Сарсенбек алтын медаль иеленіп, жеңістің шыңын бағындырды.

Сары құрлық елдерінің ең талантты жас боксшылары бас қосқан чемпионатта жұдырықтасқан Төрехан Сабырхан мен Бахтияр Анарбаев жеңімпаз атанды. Мамандардың айтуынша, осы жеңімпаз жастардың арасында болашақта ел мерейін үстем етер талай олимпиада ойындарының чемпиондары мен жүлдегерлері тəрбиеленуде.

Осындай Азия чемпионаттары арқылы ұландарымыз спортта өсіп келеді. Əлі алда талай əлем чемпионаттары мен төртжылдықтың басты додасы олимп ойындары бар.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!



Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button