Түркістан облысы

Мәжіліс депутаттары ордабасылықтардың мәселелерін шешуге атсалысады

Мәжіліс депутаттары Ордабасы ауданына іссапармен барды, деп хабарлайды newsroom.kz.тілшісі.

2021 жылы, 27 тамызда ҚР Парламенті Мәжілісінің депутаттары, «Nur Otan» партиясы фракциясының мүшелері – Дархан Мыңбай мен Құдайберген Ержан Түркістан облысы, Ордабасы ауданына жұмыс сапарымен барды. Ордабасылық азаматтар Мәжіліс депутаттарына үш мәселені шешіп беру жөнінде ұсыныс айтты.

Соның бірі Ордабасы ауданы, Қызылсеңгір ауылында Боралдай өзенінің маңынан су қоймасын салу ұсынылды. Осы арқылы қыстыгүні және ерте көктемде су жинап, жазда Ордабасы, Отырар ауданындағы бірқатар елді мекеннің ағын су мәселесін шешуге болады.

Ордабасылықтардың екінші өтініші – Бөген су қоймасының астын тазалап, сыйымдылығын артыру. Өйткені бұл қойма біраз жылдан бері тазаланбаған. Депутаттар бұл мәселені қойын дәптерлеріне түртіп алды. Үшінші мәселеге келсек, аудан әкімдігі мен кәсіпкерлері индустриалды аймақта инвесторлар үшін газ бен электр қуаты бағасын төмендетіп беру, арнайы подстанция салу жайы қозғалды.

Депутат Құдайберген Ержан «Nur Otan» партиясының сайлауалды бағдарламасында өңірлерді, аудандарды дамыту жоспары бекітілгенін, бұл бағыттағы жұмыстардың сапалы атқарылуына заңдық тетіктер арқылы ықпал ететінін мәлімдеді.

Жазба қандай әсер қалдырды?

Жазбаға баға беріңіз!

Орташа 1 / 5. Бағалар саны: 1

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.