Түркістан облысы

Балалар құқығын қорғайтын жаңа жоба қолға алынды

Түркістан облысында 3 жылда балаларға қатысты 150 зорлық-зомбылық оқиғасы тіркелген, деп хабарлайды newsroom.kz.тілшісі.

Түркістан облысында балаларға қатысты зорлық-зомбылық тиылмай отыр. Соңғы үш жылда отбасында балаға қатыгездік көрсету бойынша 150 оқиға тіркелген. Осындай олқылықтарды болдырмау мақсатында «Ел ертеңі – жас ұрпақ» бағдарламасы қолға алынуда. Бұл туралы бүгін Өңірлік коммуникациялар қызметінде өткен брифингте «Түркістан облысының Азаматтық Альянсы» ЗТБ президенті Жамалбек Шәріпбек Жамалбекұлы мәлімдеді.

«Балалардың қауіпсіздігіне арналған мұндай бағдарлама бұрын-соңды болмаған. Бағдарламаның мақсаты әлеуметтік-мәдени ортаны қалыптастыру арқылы балаларға қатысты зорлық-зомбылықтың алдын алу. «Ел ертеңі – жас ұрпақ» жобасы «Береке» және «Түркістан облысы ата-аналар қауымдастығы» қоғамдық бірлестіктері, «Онлайн отбасы академиясымен» серіктестікте Түркістан облысы адами әлеуетті дамыту басқармасының қолдауымен жүзеге асырылуда. Бұл бастама жүзеге асса айтарлықтай нәтиже береді деген сенімдеміз», – деді Ш.Жамалбекұлы.

Өз кезегінде «Түркістан облысының ата-аналар қауымдастығы» қоғамдық бірлестігінің төрағасы, жоба серіктесі Ақбаян Жакипова «Ел ертеңі – жас ұрпақ» бағдарламасы жөнінде баяндады.

«Балаларға қатысты зорлық-зомбылықтың кері әсері өмір бойы сақталуы мүмкін, олар денсаулығына, мінез-құлқына және одан кейінгі зорлық-зомбылыққа себеп болады. Сондықтан кешенді бағдарлама мектептердің педагогикалық ұжымдарының, оқушыларының, ата-аналар комитеттерінің әлеуетін арттыру арқылы отбасындағы және мектептердегі зорлық-зомбылықтың алдын-алу және болдырмауға ықпал жасауға бағытталып отыр», – деді А.Төлбасықызы.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.