Түркістан облысы

Мақтааралда тәуелсіз бақылаушы сайлау туралы пікірін білдірді

Бүгін өтіп жатқан ҚР Президенті сайлауына байланысты Мақтаарал ауданының сайлау учаскелеріне көптеген тәуелсіз бақылаушылар тартылған.
Солардың бірі – «Хақ» тәуелсіз сарапшылар ұйымының Мақтаарал ауданы бойынша жетекшісі, тәуелсіз бақылаушы Қанат Мырзахметов сайлаудың өту барысы туралы өз пікірін білдірді.
Қанат Маратұлы Мақтаарал ауданында орналасқан 63 сайлау учаскесінің 40-тан астамын «Хақ» ұйымының бақылаушылары бақылағанын және сайлаудың жоғары деңгейде өткенін атап өтті.
«Халықтың белсенділігін, жаңа Президентті сайлауға деген көзқарастарын, жалпы сайлаудың өту барысын оң бағалауға болады. Халықаралық стандарттар мен конвенциялар шеңберінде дауыс беру процесін өткізу – Қазақстанның демократиялық құндылықтарға бейімділігінің көрсеткіші. Мақтаарал ауданында сайлау учаскелеріндегі байқаушыларымыз сайлау кезінде Қазақстан заңнамасы мен халықаралық келісімдердің ірі бұзушылық фактілері анықталмағанын айтып отыр. Бұл аталған іс-шараның ашықтығы мен мемлекеттің өз міндеттемелерін жоғары деңгейде орындағанының айғағы» – деді, тәуелсіз бақылаушы.
Сонымен қатар, бақылаушы сайлау учаскелерінің техникалық-базалық жасақталуына, азаматтар мен мүмкіндігі шектеулі жандарға жасалған жағдайларға оң бағасын берді. Сондай-ақ, ол сайлау барысында жоғары сапалық сервис пен сайлаушылардың көтеріңкі көңіл-күйлерін байқағанын айтты.
«Дүбірлі саяси науқан процесін ұйымдастыру бойынша жауапты органдардың жұмысын оң бағалағым келеді. Мүмкіндігі шектеулі азаматтар үшін барлық қажетті жағдайлар жасалды, дауыс беру үзіліссіз өтіп жатыр» – деді Қ.Мырзахметов.
(с) Мақтаарал ауданы әкімінің баспасөз қызметі

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.