Түркістан облысы

Түркістан: Президент жолдауына облыс ардагерлері қолдау білдірді

Бұл орайда аға буын ардагерлер қай кезеңде де қоғам мен мемлекет алдында тұрған міндеттерді ақылмен, сабырмен, ғылыми нақтылықпен атқаруға мұрындық болатын қоғамның зиялы қауымымен бірлесе жұмыстар атқаруға қашан да дайын!

Ағымдағы жылдың 1 қыркүйек күні Мемлекет басшысы Қасым-Жомарт Тоқаев Қазақстан халқына арнаған «Халық бірлігі және жүйелі реформалар-ел өркендеуінің берік негізі» атты кезекті Жолдауын жариялаған болатын.
Бүгін Түркістан қаласында Президент Жолдауын талқылауға арналған Түркістан облыстық ардагерлер кеңесінің кеңейтілген төралқа мәжілісі болып өтті, деп хабарлайды newsroom.kz. порталы.

Жиынға облыстық ардагерлер кеңесінің төрағасы Жеңісбек Мәуленқұлов, облыс әкімі аппараты қоғамдық-саяси сала мониторингі бөлімінің басшысы Самат Расул, облыстық қоғамдық даму басқармасы басшысының міндетін атқарушы Дәурен Сариев және онлайн режимде зиялы қауым өкілдері, аудандық, қалалық ардагерлер ұйымдары мен әкелер мектебінің төрағалары, әжелер алқасының төрайымдары, аудан, қала әкімдерінің орынбасарлары мен ішкі саясат бөлімінің басшылары қатысты.
Жиынды ашып, жүргізіп отырған облдыстық ардагерлер кеңесінің төрағасы Жеңісбек Мәуленқұлов шараның күн тәртібін баяндап, Жолдаудағы маңызды мәселелер мен айқын ерекшеліктерді атап өтті.
«Жолдау елдің ішкі және сыртқы жағдайларына байланысты Президенттің топтасудағы тиімді шарасы. Жолдау арқылы әрбір азамат елдің даму бағыттары мен мүмкіндіктерімен таныса отырып, болашақтағы жұмыстарына осы құжатты негізгі бағдаршам етеді. Біздіңше, биылғы Жолдаудың бұрынғылармен салыстырмалы түрде бірнеше ерекшелігі бар екенін айта кеткен жөн. Біз өз кезегімізде Жолдаудың жүзеге асуына үлестерімізді қоса алатынымызға бек сенімдімін. Бұл орайда аға буын ардагерлер қай кезеңде де қоғам мен мемлекет алдында тұрған міндеттерді ақылмен, сабырмен, ғылыми нақтылықпен атқаруға мұрындық болатын қоғамның зиялы қауымымен бірлесе жұмыстар атқаруға қашан да дайын» деді Жеңісбек Мәуленқұлов.


Сонымен қатар, жиында жазушы, «Алаш» сыйлығының иегері, облыстық ардагерлер кеңесінің Пленум мүшесі Мархабат Байғұт, алқа мүшесі, облыстық ардагерлер кеңесі төрағасының бірінші орынбасары Әбдішүкір Сапарбеков, Сарыағаш аудандық ардагерлер кеңесінің төрағасы Мұстапа Сүлейменов, Қазығұрт аудандық әжелер төрайымы Бағила Исмаил, Шардара аудандық ардагерлер кеңесінің төрағасы Тоқсанбай Бердібековтер сөз алып, Жолдау аясындағы атқарылар жұмыстарға өз ұсыныстарын айтып, пікірлерін ортаға салды.
Жиын соңында Жеңісбек Мәуленқұлов Президент Жолдауына қатысты арнайы қаулымен таныстырып, алқа мүшелері тарапынан бірауыздан мақұлданып, бекітілді.

Жазба қандай әсер қалдырды?

Жазбаға баға беріңіз!

Орташа 1 / 5. Бағалар саны: 1

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.