Түркістан облысы

Түркістан: Мұқтаж балаларға мектеп формасын алуға көмек көрсетіледі

Түркістан облысы әкімінің баспасөз қызметі дереккөздеріне сүйене отырып, бүгін Өңірлік коммуникациялар қызметінде мектеп формасы бойынша брифинг өтті, деп newsroom.kz хабарлайды.

Баспасөз мәслихатында Түркістан облыстық адами әлеуетті дамыту басқармасының басшысы Дінислам Болатханұлы мектеп формасы кімдерге берілетіні туралы айтты.

«Жаңа оқу жылына әлеуметтік осал топтағы отбасы балаларын (52 мыңнан астам) мектеп формасымен және мектеп құралдарымен қамтамасыз ету үшін облыстық бюджеттен 1,9 млрд теңге қаржы бөлінді. Одан бөлек, ыстық тамақ пен жазғы демалысқа да қаржы қаралды. Сондай-ақ, көп балалы, жетім және ата-ана қарауынсыз қалған балалар да көмексіз қалмайды. Олар үшін арнайы «Мектепке жол» қайырымдылық акциясы өтуде. Акцияның 15 күнінде облыс бойынша 778 балаға жалпы 19 млн 309 мың теңгеге демеушілер тарапынан материалдық көмек берілді. Атап өтер жайт, акция шеңберінде көп балалы отбасылардың барлық балаларына мейлінше көмек көрсету көзделіп отыр», – деді басқарма басшысы.

Дінислам Болатханұлының мәлімдеуінше, 7 534 жетім және ата-анасының қамқорлығынсыз қалған балаға 265,7 млн теңге шілде айында бөлінген. Ал 45 126 балаға 1,6 млрд теңге тамыз айында бөлінді.

Сонымен қатар, облыстағы экономикалық есептеулер бойынша әр балаға мектеп формасына 35 275 теңгеден және мектепке керекті құралмен қоса есептегенде жалпы 37 389 теңге беріледі.

Айта кетейік, мектеп формасына өтініш бала оқитын мектептің директорына өз санатын белгілей отырып жазылады. Мектепте құрылатын комиссияның қарауы негізінде ақша баланың ата-анасының есеп шотына аударылады.

Еске салсақ, «Мектепке жол» акциясы 1 тамыздан басталып, осы жылдың 30 қыркүйегіне дейін жалғасады. Ал демеуші болуға ниетті жандар Басқарманың +7(707)-684-71-00 байланыс телефонына хабарласа алады.

Фото: Түркістан облысының Өңірлік коммуникациялар қызметі

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.