Түркістан облысы

Мақта терім науқаны басталды

Жетісайлық шаруалар мақта терім науқанын бастады. Ерте көктемде еккен шитті ақ алтынның алғашқы өнімдері техникамен жиналуда. Жалпы ауданда биыл 44 мың гектардан астам жерге мақта егіліп, өнімді жинауға 200 комбайн дайын тұр. Негізгі күн көрісі ауыл шаруашылығы саласы саналатын аграрлы аймақ – Жетісай ауданының дихандары үшін әрбір минут маңызды, деп хабарлайды newsroom.kz. тілшісі.

Ала жаздай таңның атысынан кештің батысына дейін егістік алқапта тынымсыз еңбек етіп жүрген жетісайлық шаруалар мақта терім науқанын техникамен бастады. Дихандар, мол табысқа жетуде уақытылы дән сеуіп, дер кезінде минералды тыңайтқыштарды беру, кешіктірмей егістікті суғару үлкен рөл атқаратындығын айтады. Мәселен, аудандағы Ынтымақ ауылдық округіндегі «Нұрсұлтан» шаруа қожалығы әр гектарынан бірінші терімнің өзінен 30 центнерден өнім алып отыр.

“Ауданынның негізгі өнімі саналатын мақта өнімі өзге дақылдар сияқты 2-3 айда емес, ұзақ уақытта пісетін болғандықтан ерекше күтімді қажет етеді. Ауданның, округтің әкіміне көп рақмет, биыл судан, минералды тыңайтқыштар мен жанар жағар майдан тапшылық болған жоқ. Уақытылы ағын суымызды алдық. Мақтаның көсек құрты аздап әбігерге салғаны болмаса басқасы дұрыс. Міне, қазір алғашқы терімді техникалық әдіспен теруді бастадық. Өнім әзірге жаман емес. Бастысы – мақта бағасы көңілге қонымды болып шаруалардың еңбектерін ақтаса болды”,-деді “Нұрсұлтан” шаруа қожалығының төрағасы Нұрсұлтан Омаров.

Жалпы, ауыл округте 6490 гектар суармалы жердің 4239 гектарына шитті мақтаның тұқымы себілген. Биылғы жылы өнімді шашпай-төкпей ысырапсыз жинап алуды басты мақсат етіп отырған округ дихандары өнім көлемін гектарына 22,5-тен жоспарлап отыр. Округ әкімінің айтуынша, 35 комбайн мақта терімге сақадай-сай тұр.

“Жауапты сала мамандарының басты міндеті – дихан-шаруалардың маңдай тері тамған егістік алқаптарындағы ақ алтынды жауын-шашынға қалдырмай, қырманға толтыру болып отыр”,- деді Мұхтар Бейсенбаев – Ынтымақ ауыл округінің әкімі.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.