Түркістан облысы

Түркістан облысында 91 жастағы қария вакцина салдырды

Кентау қаласының 1930 жылғы тұрғыны екпе салдырды, деп хабарлайды newsroom.kz. тілшісі.

Елімізде екпе алғандардың ең егдесі Заманбай Атишов. 91 жастағы қария Түркістан облысы Кентау қаласында тұрады. 1930 жылы Қарнақ ауылында дүниеге келген. Вакцинаның екі компонентін де қабылдаған қарияның жағдайы өте жақсы. Қарияны бақылауға алған дәрігерлер осылай дейді.

«Ғылым дәлелдеген екпеге сенім артып, індеттен сақтану үшін екпе қабылдадым. Баларым да қабылдады. Бұл індетті жеңу үшін дәрігерлерге сенім арту қажет», – дейді 10 немере мен шөбере тәрбиелеп отырған ақсақал.

Әлемді жайлаған індетпен бүгін де әлем болып күрес жүргізуде. Күресудің бірден-бір жолы – екпе ектіру. Егу науқаны басталғалы Кентауда 50 мыңға жуық азамат вакцина салдырған. Соның ішінде жасы үлкен қариялар жетерлік. Екпе қабылдаған егде жастағы қария Мұхтархан Жалаловтың жасы 85-тен асқан. Вирусқа қарсы Спутник-V вакцинасының екі дозасын да қабылдап үлгерген қария денсаулыққа немқұрайлы қарамау керектігін айтады.

Қарнақ ауылының емхана қызметкерлері өз еркімен екпе салдыратын егде жастағылардың қатары қалың екенін айтады. Ресми мәліметке сүйенсек, Қазақстанда 80-89 жас аралығындағы 32 866 зейнеткер каронавирусқа қарсы екпе қабылдаған. Белсенді қарттардың басым бөлігі Шығыс Қазақстан, Түркістан облыстары мен Алматы қаласында тұрады.

Айта кетейік, бүгінге дейін елімізде 70-тен 79 жасқа дейінгі 136 мыңға жуық қария, 90 жастан асқан 1417 қария вакцина қабылдаған. Осылайша зейнеткерлер де қоғам саулығын сақтауға белсенді түрде үлес қосуда.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.