Түркістан облысы

Түлкібаста бірқатар спорттық нысандар жөндеуден өтті

0
(0)
Түркістан облысы Түлкібас ауданында бірқатар спорттық нысандар жөндеуден өткізіліп, пайдалануға берілді. №1 балалар мен жасөспірімдер спорт мектебінің жанынан құрылған шынығу залының құрылғылары да жаңарды, деп хабарлайды Newsroom+Ақпарат ақпарат агенттігі Түркістан облысының Өңірлік коммуникациялар қызметіне сілтеме жасап.
Сонымен қатар, мұндағы кіші футбол алаңшасы да күрделі жөндеуден өткізіліп бұқаралық спорттың дамуына қолайлы жағдай жасалып отыр. Алаңшаға жарықшамдар орнатылып, газон мен қоршаулары толығымен жаңаланды. Айта кетейік, бұл шаруалар аудан әкімі Нұрлан Байғұттың ықпалымен жүзеге асып отыр.
ҚР Тұңғыш Президенті Н.Ә.Назарбаев Қазақстан халқының бұқаралық спорттың деңгейін 30 пайызға жеткізу туралы тапсырма берген болатын. Бүгінде, ауданда тұрақты түрде спортпен шұғылданушылар саны 30,8 пайызға жеткен.
Жалпы ауданда 335 спорт ғимараттары жұмыс істейді. Оның 2-еуі 1500 орынға шақталған стадион, 4-еуі спорттық кешен, 1-еуі атшабар манежі, 8-і мылтық ату тирі, қалғаны жүзу бассейін мен ипподром және спорт алаңшалары.
Ауданда 4 спорт мектебі, мемлекеттік-жекешелік әріптестігі аясында салынған «Жас талап», «Ер Жәнібек» спорт клубтары және мүмкіндігі шектеулі балаларға арналған спорт мектебі жұмыс істейді. Қазіргі таңда, осы мекемелерде 3631 оқушы спорттың 17 түрінен шұғылданып келеді.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Бөлісу:

Тағы да

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Scroll Up
Close