Түркістан облысы

Шөкеевтің шапаны: орынбасары Қалқаманов жауап қатты

Сәкен Қалқаманов осы жағдайға қатысты түсініктеме берді.

Облыс әкімінің орынбасары С.Қалқаманов жұрт жағдайды мүлдем басқаша көрсетіп жатқанын айтты деп жазады sputnik.kz. 
Әлеуметтік желі қолданушылары Түркістан облысының әкімі Түркия вице-президентіне арналған шапанды кигенін айтып, видео бөлісіп жатыр. Түркістан облысы әкімінің орынбасары Сәкен Қалқаманов осы жағдайға қатысты түсініктеме берді.
Оның айтуынша, өңір әкімі Өмірзақ Шөкеев шапан киген видео жалған емес, өткен сенбі, 5 наурызда түсірілген.
Бірақ Сәкен Қалқаманов жұрт жағдайды мүлдем басқаша көрсетіп жатқанын айтты.
«Видеода университет (Яссауи атындағы Халықаралық қазақ – түрік университеті – ред.) басшылығы түрік тарапынан вице-президентті (Түркия Фуат Октай-ред.) қарсы алған кезде Түркістан облысы әкімінің де университетті дамытуға қосқан үлесін атап өтуге шешім қабылдады. Сондықтан әкімге шапан сыйлады. Бұл туралы облыс әкімінің аппараты да, облыс әкімінің өзі де білген жоқ», – деді Қалқаманов өзінің Facebook парақшасында.
Сондай-ақ, Қалқаманов өңірге сапармен келген Түркия вице-президентінің университет ректораты атынан марапатталғанын, оған да шапан берілгенін түсіндірді. Бірақ бұл сәт видеода көрсетілмеген.
«Өкініштісі, видео түсірген адам оны толық жүктемеді. Онда Мухиттин Шемшек мырза мұның не үшін жасалып жатқанын ұзақ уақыт түсіндірді. Бірақ бұл көрсетілмеген, шапан кигізу сәті ғана көрінген. Менің ойымша, бұл дұрыс емес. Әрине, әкімдік пен университет басшылығы тарапынан ешқандай қудалау болмайды. Бірақ видео қысқартылған форматта таратылмауы керек деп есептейміз», – деді Түркістан облысы әкімінің орынбасары Сәкен Қалқаманов.
Ол әлеуметтік желіде тікелей эфирге шығуын роликтің ресми түсініктемеге қарағанда әлдеқайда жылдам таралуымен түсіндірді.
«Университет ректоры Білім және ғылым министрлігінің баспасөз қызметі журналистердің сауалына жауап беруге тыйым салғанын айтты. Не үшін екені белгісіз. Сондықтан университеттің орнына мен жауап беріп отырмын», – деді Қалқаманов.

Жазба қандай әсер қалдырды?

Жазбаға баға беріңіз!

Орташа 2.3 / 5. Бағалар саны: 3

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.