Түркістан облысы

Түркістан: құлаған электр бағаналары қалпына келтіріліп жатыр

Түркістан облысында қатты желден құлаған электр бағаналары қалпына келтіріліп, үзілген электр тасымалдау желілері жөнделіп жатыр.

Соңғы ақпараттарға сәйкес, Бәйдібек пен Созақ аудандарында 15 электр бағаналары қалпына келтірілді. Түркістан облысының әкімі Дархан Сатыбалдының тапсырмасымен қосымша арнайы техника көмекке келген болатын. Екі ауданға “Оңтүстікжарық” мекемесінің жөндеу бригадалары жұмылдырылды. 3,5 мыңнан астам абоненттің 2 мыңға жуығына жарық берілді. Екі ауданда 27 арнайы бригада мен 30-дан астам арнайы техника жұмыс істеуде. Сала басшылары үзілген электр желілерді жалғау жұмыстары бірнеше күнге жалғасатынын жеткізді.

Түркістан облысында қар басқан жолдарды жауапты мекеме қызметкерлері тәулік бойы тазарту жұмыстарын жүргізіп жатыр. Нәтижесінде облыстық маңызды бар жолдардың басым бөлігі толық ашылды. Ауыр техникалар тоқтамастан асудағы 25 шақырымдай жолдың қарын күреп шықты. Кентау-Ащысай елдімекені аралығындағы жол мен Ащысай-Шолаққорған бағытындағы жолдар қардан тазартылды. Бұдан бөлек, Бәйдібек ауданындағы Бірлік-Жарықбас бағытындағы жолды ашу жұмыстары жүргізілді. Жарықбас-Қошқарата елді мекендері аралығындағы жолды қардан тазалау жұмыстары аяқталды. Созақ ауданындағы Жаңатас бағытындағы жолдарды қалың қардан тазарту жұмыстары жалғасып жатыр.

Айта кетсек, қазіргі таңда аймақта ауа райы бірқалыпты. Келген залалдарды қалпына келтіру жұмыстары жалғасады.

Еске салсақ, ауа райының қолайсыздығына байланысты Түркістан облысының бірнеше ауданындағы елдімекендер жарықсыз қалған болатын. Демалыс күндері соққан боран оңтүстік жұртын әбден әбігерге салды. Өңірде қатты боран салдарынан электр бағаналары құлаған.

Фото: Түркістан облысы әкімінің баспасөз қызметі

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.