Түркістан облысы

Құрметті түркістандықтар!

Баршаңызға белгілі, ағымдағы жылғы 20 қарашада елімізде үлкен саяси маңызды оқиға – Қазақстан Республикасы Президенті сайлауы өтеді.

Қазақстан Республикасының Президенттігіне кандидат Қасым-Жомарт Кемелұлы Тоқаевты қолдау жөніндегі Түркістан облыстық қоғамдық штабы  төрағасының орынбасары ретінде үгіт-насихат кезеңінде кандидаттың Сайлауалды бағдарламасы бойынша түсіндірмелер топтамасын назарларыңызға ұсынатын боламын.

Қазақстан Республикасы Президенттігіне кандидат Қасым-Жомарт Тоқаевтың «Әділетті Қазақстан: бәріміз және әрқайсымыз үшін» деп аталатын Сайлауалды бағдарламасы үш қағидаттан тұрады: Бірінші қағидат – Әділетті мемлекет, екінші қағидат – Әділетті экономика, үшінші қағидат – Әділ қоғам деп аталады.

Әділетті мемлекет қағидаты саяси жаңғыруды жүйелі түрде жалғастыра отырып, мемлекеттік аппараттың тиімділігін арттыру, сот билігінің тәуелсіздігін нығайту, құқық қорғау саласында түбегейлі реформа жүргізіп, армияның қорғаныс қабілетін күшейтуді көздейді.

Әділетті мемлекет қағидатының бір тармағы – саяси жаңғыру.

Саяси қайта құру биліктің барлық тармағының оңтайлы теңгерімі сақталған тұрақты мемлекет базасын қалыптастыруға бағытталады.

Саяси қайта құрудағы стратегиялық мақсат – халық пен биліктің ұйысқан түрдегі ұстанымы бойынша шешім шығаратын  әділетті мемлекет құру.

Конституциялық сот азаматтардың құқығы мен бостандығын сақтаудың сенімді кепілі болады.

Жаңа саяси модельде үкіметтік емес ұйымдар, қоғамдық қозғалыстар, саяси партиялар, тәуелсіз бұқаралық ақпарат құралдары, мүлік иелері бірлестігі мен кәсіподақтар сынды азаматтық қоғам институттары маңызды рөл атқарады.

Ауыл және аудан әкімін, аудандық және қалалық мәслихат депутаттарын тікелей сайлау, облыс әкімін баламалы негізде тағайындау, Парламент Мәжілісі мен облыстық мәслихаттар депутаттарын аралас жүйе бойынша сайлау – осының бәрі азаматтың мемлекеттік негізгі институттарды қалыптастыруға тікелей, ашық және инклюзивті қатысуын қамтамасыз етеді.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.