Түркістан облысы

Түркістан: Сайрамдағы жаңа тігін шеберханасы 28 мың дана әскери киім тігуге тапсырыс алды

Түркістан облысы әкімінің баспасөз қызметі дереккөздеріне сүйене отырып, Түркістан облысында шағын және орта кәсіпкерлік дамып келеді. Сайрам ауданының әкімі Ұласбек Сәдібековтің Қарабұлақ ауылдық округіндегі жұмыс сапарында «ALITEX» тігін цехінің әлеуеті жұртшылыққа таныстырылды, деп newsroom.kz хабарлайды.

Жеке кәсіпкер Сардар Усманов жаңа цехті іске қосуға өз есебінен 20 млн. теңге қаражат жұмсаған. Цех жұмысын биыл мамыр айының соңында бастады. Қажетті құрал-жабдықтар мен жиһаздармен қамтылған.

Бүгінгі таңда цехта 18 мың дана жаздық және 10 мың дана қысқы әскери киімге тапсырыс алынып, пішіп, тігу жұмыстары жүргізілуде. Кәсіпорында 30 адам тұрақты жұмыспен қамтылған. Тігіншілердің орташа айлық-жалақылары 80-90 мың теңгені құрайды.

Сайрам ауданында сәтті жүзеге асырылып жатқан жобаның бірі – «Ауыл – ел тірегі». Онкүндік аясында Манкент ауылдық округінде бірқатар жұмыстар атқарылды. Атап айтқанда, 2 рет сенбілік өткізіліп, 15 шақырым көше бойлары және 6 шақырым аяқ жолдары тазартылып, қураған шөптер орылды. Округ аумағындағы 3 зиярат (мазарат) орындарында абаттандыру жұмыстары жүргізілді. Сонымен қатар көшелерде 360 түп декоративті ағаш әктелсе, 250 бағана сырланып, әктелген. Тозығы жеткен 25 электр бағанасы ауыстырылды, 4 дана трансформатор сырланып, қоршалды. Тазалық жұмыстарына қажетті техникалар жұмылдырылып, 45 текше метр көлемінде күл-қоқыстар шығарылды. Мемлекеттік мекемелер тарапынан және асар жолымен халықты тарта отырып, 7 техниканың көмегімен 1,5 шақырым канал механикалық тазалаудан өткізілген. Азаматтық қоғамды және жергілікті өзін-өзі басқаруды жетілдіретін бұл жобаны тұрғындар да жоғары бағалап отыр.

Фото: Түркістан облысы әкімінің баспасөз қызметі

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.