Қылмыс/ОқиғаШығыс Қазақстан облысы

Күйеуінен қорлық көрген әйел аязды күні көйлекшең далаға қашып кеткен

0
(0)

Аяусыз сабаған алқаш күйеуінен қашамын деп аяздан үсіп көз жұмды.  Жұбайының жұдырығынан қорыққан келіншек қыстың қақаған суығында сыртқа көйлекшең шығып кеткен екен.  Ащы судың әлегінен болған сұмдық жайттың жай-жапсарын арнамызға марқұмның туысқандары айтып берді.  Олар бауырларын өлтірген қаскөйдің бостандықта жүргеніне наразы.  Бұл туралы Newsroom+ақпарат агенттігі Еуразия бірінші арнасына сілтеме жасап хабарлайды.

Арағы бар үйдің берекесі қашады дейді. Рас.  Отағасы мас болған сайын, бұл шаңырақ ұрыс-керістен көз ашпайтын.  Үйдегі соңғы айқай да ащы судың әлегінен басталған.

Марқұмның қызы

«Жатқалы жатқанбыз. Мама киімін ауыстырып жатқалы жатқан ғой. Сол кезде маманың шыңғырып, айқайлаған дауысын естідім көмек сұраған. Мен барсам, маманы кәдімгідей шашынан жұлып, пышақты алып өлтіремін деп қорқытып жатыр екен».

Кейін, анасына араша түскен баланы итермек болғанда, әйелі алды-артына қарамай, сыртқа қаша жөнеліпті. Өлтіремін деп артынан қуып барған күйеуінен қорыққаны сонша, қаһарына мінген қыстың суығына да қарамаған.

Теңлік САҒЫНДЫҚОВА, марқұм Гүлшат Махатжанованың әпкесі

«Далаға шығып адам іш киіммен кетпейді ғой. Оның ақыл есі тізу. Ешқандай учетта тұрмаған адам. Дені сау адам олай жасамайды ғой, қандай ашу болса да, қандай ұрыс жанжал болса да, ол үйден шығып кетпес еді. Ол сол жерге барып жатып, өлейін деп жатпайды ғой 35 градус аязда, ешқандай адам шыдамайды. Адам түгілі айуан да шыдамайды».

Ал таң ата полицейлер марқұмды үсіп қалған күйінде үйден жарты шақырым жерден табады.

«Міне, бір домашний тапочка мына жерде жатыр, екіншісі мына жерде жатыр».

«Екі қыз анасыз қалды ғой. Біреуі әлі кәмелеттік жасқа да толған жоқ. оның көз жасына кім жауапты?».

Қайғыдан қан жұтқан туыстары енді әділдік іздеп шырылдап жүр.  Бауырларын өлтірген қаскөй әлі бостандықта деп наразы. Погондылар марқұм үсіп көз жұмды деп істі жаба салған екен.

Дәурен ИМАНМӘДИЕВ, ШҚО ПД ТБ бастығының міндетін атқарушы:

Медициналық сот-сараптама бойынша, иә дене жарақаттары бар. Бірақ ол жарақаттардың өлімге қатысы жоқ. Қазір қосымша сот-медициналық сарапта өтсе, біз тиісті тергеу ждүргізіп, процессуалдық шешім қабылдаймыз».

Алайда, марқұмның ет жақындары азаматтық некедегі күйеуінің  кінәлі екеніне сенімдіміз дейді. Бұған келтірер айғақтары да жетерлік.

Жандарбек ҚАҒАЗБЕКОВ, марқұм Гүлшат Махатжанованың күйеу баласы

Бұл азамат егер ер жігіт болса, ол 102 хабарласып, шығып кетті деп айту керек еді. Егер ол өзі шығып кетсе біздің күдігіміз. Екіншіден ол Аягөзге қашып кеткен машинамен. Үйдегі баланың оқуына төлеу керек ақшаның бәрін алып кеткен.Егер ол кінәлі болмаса, сол арада отыруы керек еді, міне басымды кесіп ал, шығып кетті таппадым деп. Балаларға да звандатпаған. Звандама деп. Уақыт әбден өткен».

Осылайша, күдіктінің қамауға алынуын талап еткен марқұмның  туыстары қалалық медициналық сараптама қорытындысымен келіспей, енді облыстық сараптамаға үміт артып отыр.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button