Өскемен

Мейрам Қажыкен: Білім тұлға қалыптастырады

Қазақстан Республикасы президенттігіне кандидат Мейрам Қажыкен Өскемендегі «Каравай» ЖШС ұжымымен кездесті, деп newsroom.kz хабарлайды.

Жұмысшылармен кездесуде кандидат өзінің сайлауалды бағдарламасының мақсат-мүдделеріне тоқталды. Атап айтқанда, отбасының қаржылық жағдайына қарамастан оқушының немесе студенттің мәртебесін көтеріп, білім беру сапасын арттырудың маңыздылығын атап өтті.

«Мен ауылдан қалаға дейінгі барлық деңгейде қолжетімді және сапалы білім беруді қолдаймын. Балалар тек элиталық мектептер мен университеттерде ғана емес, кез келген білім ордасында сапалы әрі жан-жақты білім алуы керек. Бұл бағытты бизнеске айналдыруға болмайды. Өйткені, білім тұлға қалыптастырады. Ал бизнестен қандай тұлғалар шығуы мүмкін?»,-деді М.Қажыкен.

Сондай-ақ, жиында ауыл шаруашылығын, медицинаны, кәсіпкерлікті, әлеуметтік саланы дамыту тақырыбында да пікір алмасулар болды.

Өскемен СЭС АЭС» ЖШС-на барған Мейрам Қажыкен станса қызметкерлерінің сұрақтарына жауап берді. Жұмысшылар ГЭС сияқты ірі нысандарды жеке инвесторларға беруге қалай қарайтынын сұрады.

«Бұл жайлы әңгімені нақты кесіп айту қиын. Мен нысандардың шетелдік инвесторлардың қолында болғанын қаламайтынымды анық айта аламын. Бірақ мемлекеттің қолында болу да ең жақсы шешім емес. Өйткені, бұл жерде көп мәселе мен кедергілер, бюрократия пайда болады»,-деп М.Қажыкен бұл сұраққа қатысты өз ойын ашық білдірді.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.