Шымкент қаласы

Шымкентте ағаштағы қарды сілкіп түсіруге қомақты қаржы бөлінгені рас па?

БАҚ өкілдерінен ресми және шынайы ақпаратты таратуға шақырды.

Шымкентте ағаштағы қарды түсіруге қомақты қаржы бөлінгені туралы ақпарат шындыққа жанаспайды. Бұл туралы Шымкент қаласы әкімінің орынбасары Ерғали Білісбеков айтып өтті, деп хабарлайды ҚазАқпарат тілшісі.

Әлеуметтік желілерде Шымкентте ағаштардың қарын сілкіп, түсіруге бюджеттен 600 миллион теңге қаржы бөлінгені туралы ақпарат тарады. Осыған байланысты қала әкімінің орынбасары Ерғали Білісбеков ақпараттық-коммуникациялар орталығында брифинг берді.

Әкім орынбасары Шымкент қаласының 2022-2024 жылдарға арналған бюджеті Қазақстан Республикасының тиісті заңдарында көрсетілген талаптарға сәйкес қалыптастырылатынын және қаланың жасыл желектерін күтіп ұстау, жаңа ағаштар отырғызу, мерзімдік дәрілеу, суару, бұтау, ақтау және қардан тазарту секілді бірнеше жұмысты қамтитынын жеткізді. Сондай-ақ, осы жұмыстарды атқаратын азаматтардың еңбекақысы, сол жұмысқа пайдаланылатын көлік пен арнайы техниканың жанар-жағармайы мен өзге де шығындары кіретінін айтты.

«Шымкент қаласының территориясы 116 мың гектарды алып жатыр. Қазіргі уақытта қала аумағында 6 миллионнан астам түп ағаш бар. Бұдан бөлек, қала аумағында 8 саябақ пен 39 гүлзар бар. Ал, мақалада көрсетілген қарды сілкіп түсіру жұмыстары жалпы жасыл желекті күтіп ұстау жұмыстарының көптеген бағыттарының бір тармағы ғана. Яғни, мұндай жұмыстар қауіпсіздік мақсатында адамдар жиі жүретін көпшілік орындардағы 66 220 түп ағашта жүргізіледі деп жоспарланып, қаржылық сметалық шығындары 891,4 мың теңге (600 миллион емес) қаралған»,-деді Е.Білісбеков.

Ал, егер қыс мезгілінде қар жаумаған жағдайда бұл қаржы толықтай бюджетке кері қайтарылады. Қала әкімінің орынбасары желіде таралған ақпарат шындыққа жанаспайтынын айтып, БАҚ өкілдерінен ресми және шынайы ақпаратты таратуға шақырды.

 

Жазба қандай әсер қалдырды?

Жазбаға баға беріңіз!

Орташа 3 / 5. Бағалар саны: 2

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.