Шымкент қаласы

ҚР Кубогы бас бәйгесінде Шымкент жастары топ жарды

0
(0)

Шымкентте ҚР Кубогының Көркем гимнастика бойынша жарысы мәреге жетті. Жекелей және топтық көпсайыста Шымкент қаласының құрамасы жеңіске жетті деп жазады newsroom.kz.  

Атап өтерлігі, бұл бәсекеге спорт шебері және спорт шеберлігіне үміткер жастар қатысты. Ал Шымкент қаласының құрамасы 1 алтын және 2 күміс жүлдені қанжығаларына байлады.

Шымкент қаласы әкімдігінің баспасөз қызметі таратқан ақпарға сәйкес, спорт шеберлігіне кандидат бойынша спортшылар арасында жекелей көпсайыста Шымкент қаласынан қатысқан Милана Парфилова жүлделі бірінші орынды иеленді. Ал Нұр-Сұлтан қаласының спортшылары екінші және үшінші орынды бөлісті.

Сонымен қатар спорт шеберлері арасында өткен топтық көпсайыста Шымкент қаласының құрамасы екінші орынды жеңіп алды. Спортшылар: Ариадна Скворцова, Ұлжан Шалмұханбетова, Зере Әбдісадық, Еңлік Ержанқызы, Айсана Ұлықпанова және Виктория Борисова құрамы бұл жолы екінші орынды місе тұтты.

Бұл келісті бәсекеде Нұр-Сұлтан және Алматы қалаларының спортшылары үшінші орынға ие болды.

 

Мөлдір АХМЕТОВА

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!



Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button