Қылмыс/ОқиғаСолтүстік Қазақстан облысы

Петропавл тұрғыны көлікпен Есіл өзеніне түсіп кетіп, қайтыс болған

0
(0)

Солтүстік Қазақстан облысында құтқарушылар балық аулауға шығып, көлікпен суға кеткен ер адамның денесін Есіл өзенінен алып шықты.

СҚО төтенше жағдайлар департаментінің мәліметінше, оқыс оқиға 22 сәуірде шамамен түнгі сағат 2.30-да болған. Қызылжар ауданы Қызыл Яр елді мекенінің маңындағы Есіл өзенінде балық аулауға шыққан екі ер адам «Toyota surf» көлігімен Есіл өзеніне түсіп кетті. Ұйықтамақ болып жатқан кезде балықшылардың дөңде тұрған машинасы өзенге сырғып кеткен. Көлік жүргізушісі өздігінен шығып, аман қалды, жолаушысы мерт болды.

Хабар түсісімен-ақ оқиға орнына 5 адамнан тұратын құтқару тобы жіберілді. Сүңгуірлер сағат таңғы 6.00-ден іздеу операциясын бастады. Тек сағат 11.00 шамасында ғана автокөлік жағалаудан 30 метр жерден табылды. Жергілікті атқарушы орган өкілдерінің, полиция қызметкерлерінің қатысуымен көлік судан шығарылған. Оның ішінен жолаушының мәйіті табылды. Қаза тапқан ер адам 39 жаста, Петропавл тұрғыны. Алдын ала болжам бойынша, олар балық аулаған. Спирттік ішімдік ішкен. Соңы осылайша қайғылы аяқталды», – дейді СҚО ТЖД бөлім бастығы Сәкен Ағзамов.

 

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button