Теміртаулық полицейлер сауда орындарының бірінен 6 келіге жуық тазартылмаған апиын тәркіледі, – деп Newsroom.kz хабарлайды Polisia.kz дереккөздеріне сүйене отырып.
Теміртау қалалық полиция басқармасы есірткі қылмыстарына қарсы іс-қимыл бөліміне қаладағы сауда орындарының бірінде тазартылмаған апиын болуы мүмкін деген ақпарат түсті.
Аталған ақпарат бойынша жұмыс істеу барысында тәртіп сақшыларымен сауда дүкендерінің бірінен жалпы салмағы 25 келі 5 қап тағамдық көкнәр тәркіленді. Сараптама қорытындысына сәйкес тағамдық көкнәрде 5 келі 800 грамм тазартылмаған апиын қоспасы болған.
Аталған дерек бойынша ҚР ҚК-нің 296-бабына сәйкес қылмыстық іс қозғалып, тергеу әрекеттері жүргізіліп жатыр.
Фото: Polisia.kz
