Жамбыл облысы

Жамбылдағы полицейлер жол қауіпсіздігінің жағдайын талқылады

ПД бастығы Ж. Сүлейменовтің басшылығымен жол-көлік оқиғалары және оның салдарын болдырмау бойынша қабылданып жатқан шаралар туралы жедел кеңес өткізілді.

Жамбылдық полицейлер жол қауіпсіздігі мәселелерін талқылады, – деп хабарлайды Polisia.kz сілтеме жасаған newsroom.kz порталы.

2021 жылғы 20 тамызда Жамбыл облысының ПД бастығы Ж. Сүлейменовтің басшылығымен жол-көлік оқиғалары және оның салдарын болдырмау бойынша қабылданып жатқан шаралар туралы жедел кеңес өткізілді. Ағымдағы жылдың жеті айының қорытындысы бойынша жол-көлік оқиғаларының саны артқан, алайда полиция қызметкерлері жол жағдайын тұрақтандыру бойынша тұрақты негізде профилактикалық жұмыстар жүргізуде.

Статистикалық талдау нәтижелері жол-көлік оқиғаларының 98 пайызы (576-ның 570-і) жүргізушілердің кінәсінен орын алғанын көрсетеді. Олардың негізгі себептері-жылдамдық режимін арттыру және көлік жүргізу барысында ұйықтап кету. Сондай-ақ, сыртқы факторлар, мәселен, жол кептелісі, тәуліктің қараңғы мезгілі, қолайсыз ауа-райы және басқа да факторлар әсер етеді.“Батыс Еуропа-Батыс Қытай” республикалық көлік жолдарында жүргізілген хронометражға сәйкес, бір тәулік ішінде Жамбыл облысының аумағы арқылы 8 мыңнан астам көлік өтеді. Оның ішінде 7 мыңға жуық жеңіл автокөлік және басқа ауыр жүк көліктері бар. Ағымдағы кезеңде патрульдік қызмет инспекторларымен 123 мыңнан астам Жол қозғалысы ережелерін бұзушылық дерегі анықталды, бұл өткен жылғы кезеңмен салыстырғанда 57,7% – ға артық. Сондай-ақ 431 жүргізуші мас күйінде ұсталды, 199 азамат сот шешімдері бойынша жүргізуші куәлігінен айырылды, Жол қозғалысы ережелерін бұзушыларға 1 млрд.37 млн. теңгеден астам сомаға айыппұл салынды.

Апаттылық жағдайын төмендету үшін тұрақты түрде жедел-алдын алу іс-шаралары жүргізіледі. Есептік кезеңде олардың саны 20-дан асты:” Қауіпсіз жол”,” Жаяу жүргінші”, “Автобус”,” Жолдағы қабылдау”,” Жолдағы балалардың қауіпсіздігі “, сондай-ақ ” Жол қозғалысы қауіпсіздігі ” акциялары және т. б. Қалалық патрульдік полиция қызметкерлері автобустардағы жолаушылармен жол қозғалысы ережелерін сақтау және жолдардағы жаяу жүргіншілердің қауіпсіздік шаралары туралы күн сайын түсіндіру жұмыстарын жүргізеді. Еңбек ұжымдарында және оқу орындарында ақпараттық бүктемелер таратылып, бір жарым мыңнан астам дәрістер мен түсіндіру жұмыстары жүргізілді. Сонымен қатар БАҚ-та және әлеуметтік желілерде жол қозғалысы қауіпсіздігі жөніндегі материалдар кеңінен жарияланады: теледидарда 65 сұхбат көрсетілді, радиоарналарда 86 сөз сөйленді, газеттерге 74 мақала шықты.

“ҚазАвтоЖол”ҰК” акционерлік қоғамымен бірлесіп, республикалық көлік жолдарының авариялық-қауіпті учаскелерінде шу жолақтарын қосымша түсіру, жол белгілерін, ақпараттық таблоларды (ауа-райының нашарлауы, көктайғақ, ең жоғары жылдамдықты шектеу-50 км/сағ)орнату және көлік құралдарының жылдамдығын өлшеу бойынша “Автоурагандарды” қоюға қатысты жұмыстар жалғасуда. Кеңес барысында жол басқармалары мен қызмет басшыларының апаттылықты азайту жөніндегі есептері тыңдалды.

Сондай-ақ, ҚР Ішкі істер министрі полиция генерал-лейтенанты Е. З. Тұрғымбаевтың тарапынан қойылған осы бағыттағы міндеттерді орындау мақсатында бірқатар тапсырмалар берілді.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.