Нұр-Сұлтан қаласы

Нұр-Сұлтан қаласындағы мектептер жаңа оқу жылын офлайн-форматта өткізуге дайын

0
(0)

Нұр-Сұлтан мектептерінде оқу жылы дәстүрлі офлайн-форматта басталады. COVID-19 таралуын болдырмау үшін бірқатар шаралар қабылданды: Нұр-Сұлтанның барлық оқу орындары «Ashyq» жобасына қосылды, мұғалімдер вакцинацияланды, мектептер қорғаныс құралдарымен жабдықталуда және т.б. Алдағы оқу жылы қалай өтетінін елорда әкімі Алтай Көлгінов тамыз айындағы онлайн-кеңесте айтып берді, деп хабарлайды NewsRoom.kz. порталы.

«Өткен оқу жылы ұстаздар мен оқушылар үшін оңай болған жоқ. Осыған қарамастан, педагогтар, оқушылар және олардың ата-аналары қашықтан оқыту форматынан өз деңгейінде өтті. Олар шыдамдылық танытып, оқуға және сапалы білім алуға ниет білдірді. Бірақ қашықтан оқыту офлайн оқытудың орнын баса алмайды. Жоғары сапалы білім алу керек.

Мемлекет басшысының тапсырмасы бойынша жаңа оқу жылын дәстүрлі форматта өткізуді жоспарлап отырмыз. Ол үшін барлық білім беру ұйымдары «Ashyq» жүйесіне қосылды. Бұл жоба өз тиімділігін көрсетті, ал сүзгі біздің педагогтар мен оқушыларды қауіпсіздендіруге мүмкіндік береді. Сонымен қатар, мектептің медициналық пунктерінің жұмысын күшейту, оқу орындарын қорғаныс құралдарымен жабдықтау тапсырылды. Сақтық шаралары толық қабылдануы тиіс», – деп атап өтті Алтай Көлгінов.

Елорда әкімі мұғалімдер мен оқу орындарының қызметкерлері, сондай-ақ ата-аналардың өздері арасында жаппай вакцинациялаудың маңыздылығын ерекше атап өтті.

Бүгінде елордада педагогтардың 99%-ы (бұл 16 мыңнан астам) және техникалық персоналдың 97%-ы (5 мыңға жуық) вакцинацияланды. Вакцинация сіздің денсаулығыңызды да, айналаңыздағы жандардың және жақындарыңыздың денсаулығын қорғауға мүмкіндік береді. Вакцинация арқылы ұжымдық иммунитет қалыптасқаннан кейін ғана қала бұрынғы, карантинге дейінгі режимге орала алады.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!



Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button