Нұр-Сұлтан қаласы

Елордада жастарына үйлі болуға мүмкіндік беретін қандай бағдарлама?

0
(0)

Нұр-Сұлтан қаласында жастарға арналған  «Elorda Jastary» атты арнайы тұрғын үй бағдарламасы іске қосылды. Бұл туралы Нұр-Сұлтан қаласының әкімі Алтай Көлгінов өзінің Instagram парақшасында хабарлады деп жазады newsroom.kz.

Елорда әкімінің хабарлауынша, жеңілдетілген әлеуметтік несиелендіру тұрғын үй бағдарламасы елорданың жас мамандарына арналған. Мысалы, Нұр-Сұлтан қаласында «жетім балалар» санаты бойынша тұрғын үйге кезекте тұрған денсаулық сақтау, білім беру, әлеуметтік, мәдениет және спорт салалары, жоғары оқу орындары мен ҒЗИ, полиция департаменті, ТЖД қызметкерлері, коммуналдық кәсіпорындардың бейінді қызметкерлері және т.б. арналған.

Жастарға арналған тұрғын үй бағдарламасын іске асыруға Отбасы банкі мен 2021-2023 жылдарға арналған «Elorda Jastary» бағдарламасы қолғабыс етпек.

Жастарға арналған тұрғын үй бағдарламасына 35 жасқа дейінгі (35 жасты қоса алғанда, жұбайының / зайыбының жасы маңызды емес) жастар қатыса алады. Оған мынандай талаптар кіреді: қалада кемінде бір жыл тіркеулі, Отбасы банкте жинақ шоты бар, бағдарлама үміткерінің жеке тұрғын үйі болмауы тиіс (соңғы 5 жыл ішінде), ресми жұмыс өтілі бір жылдан кем емес.

Бұл тұрғын үй бағдарламасына қатысушы жас тұрғын үй сатып алуға жылдық 5% жеңілдікпен 18 млн теңгеге дейін қарыз ала алады. Қарыз 25 жылға дейінгі мерзімге беріледі.

Атап өтерлігі, «Elorda Jastary» арнайы тұрғын үй бағдарламасына өтінімдерді қабылдау келесі дүйсенбіде – 14 қазанда басталады және qatysu.zhilfond.kz порталында жүзеге асырылады. Қатысушылардың санаттары, тұрғын үй алу талаптары мен алгоритмі бойынша қосымша ақпаратпен Нұр-Сұлтан қаласы әкімдігінің «Тұрғын үй қоры» КММ сайтында (zhilfond.kz) танысуға болады. Өтініштерді қабылдау мерзімі аяқталғаннан кейін қатысушыларды іріктеу балдық жүйеге сәйкес басталады.

Сонымен қатар А.Көлгінов биыл Елбасының бастамасымен қолға алынған «Жұмыс істейтін жастарға жалға берілетін тұрғын үй» бағдарламасы да жалғасын табатынын мәлімдеді. Әкімнің сөзінше, аталған бағдарлама аясында бір мыңнан астам жас баспаналы болады.

Еске салсақ,  «Elorda Jastary» жастарға, соның ішінде тұрғын үй желісі бойынша толық қолдау көрсетуге бағытталған. Сонымен қатар, «Elorda Jastary» бағдарламасында білім беру, жұмыспен қамту, бос уақытты пайдалы өткізу және т.б. бағыттар бар.

 

 

Мөлдір АХМЕТОВА

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!



Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button