Нұр-Сұлтан қаласы

Көлгінов: «Сергектің» арқасында елордада қылмыс 30 % төмендеді

0
(0)

Нұр-Сұлтан қаласының әкімі Алтай Көлгінов «Хабар» арнасына берген сұхбатында «Сергек» камераларының арқасында қалада қылмыс 30%-ға, ал жол апатынан болатын өлім 60%-ға төмендегенін айтты деп жазады newsroom.kz.

Сөз барысында қала әкімі жыл сайын Нұр-Сұлтанға 6-7 мың «Сергек» камерасы орнатылатынын, тұрғындардың тәртібі қалыпқа түскенін алға тартты. «Егер бұрын әр қиылыста бір полиция қызметкері тұрған болса, қазір олар жоқ» дейді әкім.

Сондай-ақ Алтай Көлгінов Ashyq жүйесіне қатысты да пікір білдірді. Оның айтуынша бұл жүйе қазір жетілдірілу үстінде. Бұған дейін біраз сынға іліксе де қала әкімі сынды объективті қабылдау керектігін алға тартты.

Бұдан өзге Көлгінов «Smart City» тұжырымдамасы аясында кіреберістер мен аулалар қауіпсіз болу үшін арнайы камералар орнатылып жатқанын атап өтті. Оның сөзінше, елордада барлық балабақшалар мен мектептерге бақылау камералары орнатылғанын, бұл әуелі балалардың қауіпсіздігі үшін өте маңызды. Сондай-ақ жыл сайын бақылау камераларын орнату қылмысты ашудың, алдын алудың, тұрғындарды тәртіпке келтірудің маңызды тетігіне айналған.

 

Жадыра БАҚКЕЛДІ

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!



Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button