Елорда

Алтай Көлгінов: халық саны 2 млнға көбейген кезде не болатынын ойлау керек

Үйіңіз бір жерде, мектеп басқа жерде, балабақша тіптен алыс, ал жұмыс мүлдем басқа жақта болмауы қажет дейді Алтай Көлгінов. Дұрыс айтады негізі…

Тұрғын үй кешендерін салу кезінде «қадамдық қолжетімділік» қағидатын ескеру қажет, деп санайды елорда әкімі Алтай Көлгінов. Бұл туралы қала әкімдігінің ресми сайты Хабар телеарнасына сілтеме жасап хабарлайды деп жазады newsroom.kz порталының тілшісі .

«Бізде әр ауданның өз объектілері болуы керек, яғни шағын аудандарды салған кезде бәрі жақын маңайда болуы керек. Үйіңіз бір жерде, мектеп басқа жерде, балабақша тіптен алыс, ал жұмыс мүлдем басқа жақта болмауы қажет. Міне, осындайда қадамдық қолжетімділік қажет. Жаңа шағын аудандарға бас жоспар бойынша осындай талаптар қоямыз — бір шағын ауданның өз мектебі, бағы, сауда нысандары, саябақтары мен скверлері, адамдар үшін қолайлы жағдайлары болуы керек. Қазір біз жоспарды түзетіп жатырмыз, сондықтан мектептерді шағын құрылыс орындарына орналастырамыз. Көріп отырсыздар, еуропалық қалалар тығыз орналасқан. Ал бізде тығыздық артып келеді. Халық саны 2 миллионға дейін көбейген кезде не болатынын ойлау керек. Бас жоспарда біз міндетті түрде әлеуметтік — мектеп, балабақша, емханаларды, нысандарды жекеменшік болса да қоямыз», – деп атап өтті Нұр-Сұлтан қаласының әкімі Алтай Көлгінов.

Әкім сондай-ақ елордалық ТК жанында паркинг болуы міндетті ме деген сұраққа жауап берді.

«Егер бұл жеке инвестициялар болса, онда паркинг бойынша міндеттемелер бар. Сонымен қатар, жайлылығы жоғары үйлерде тұрақ алаңы болуы керек. Бірақ қолжетімді тұрғын үй болған жағдайда, паркинг салатын болсақ, пәтер құнының қымбаттауына әкеліп, кезекте тұрғандарға қиындық әкеледі. Тіпті, әлеуметтік тұрғын үйлердің маңайына да автокөліктерге, қоғамдық кеңістіктерге және әлеуметтік нысандарға арналған орын қалдырамыз», – деді елорда әкімі.

Жазба қандай әсер қалдырды?

Жазбаға баға беріңіз!

Орташа 5 / 5. Бағалар саны: 1

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.