Елорда

Елордада вакцина алушы жастардың арасында 1,5 млн теңге ойнатылуда

Елордада вакцина алатын жастар арасында 1,5 миллион теңге ойнатылады.

Елордада вакцина алатын жастар арасында 1,5 миллион теңге ойнатылады. Елордалық «Астана жастары» жастар ресурстық орталығы қалалық жастар саясаты мәселелері басқармасының қолдауымен Халықаралық Жастар күні қарсаңында «Stop COVID-19» үздік бейне-challenge байқауын ұйымдастырады, деп хабарлайды Нұр-Сұлтан әкімдігінің ресми сайтына сілтеме жасаған newsroom.kz порталы.

Байқау студент жастар арасында вакцинациялау арқылы COVID-19 таралуына қарсы күрес, сондай-ақ студенттер арасында шығармашылық кластерді қолдау мақсатында өткізіледі. Сайыс жеңімпазы елордалық мәслихат депутаты Азамат Манасұлының басшылығымен жұмыс істейтін «Ідіріс Орынбасар атындағы қайырымдылық қорынан» 1 миллион теңге алады. 2-орынға – 300 мың теңге, 3-орынға – 200 мың теңге. Сондай-ақ, байқауға қатысушылар үшін «Арена fitness», «Winox» фитнес-залдарының танымал желілерінен және «Хлебный край»компаниясынан ынталандыру сыйлықтары қарастырылған.

Байқау осы жылдың 5 тамызы мен 5 қазаны аралығында өткізіледі. Оған елорданың орта арнаулы (колледждер) және жоғары оқу орындарының кәмелетке толған студенттері қатыса алады.

«Шарттар өте қарапайым: ниет білдірген қатысушылар 5 тамыздан 5 қыркүйекке дейін Google Forms арқылы Instagram @astana_jastary профилінің тақырыпшасына қатысуға өтінім жіберуі қажет. Содан кейін қатысушы Нұр-Сұлтан қаласындағы кез келген егу пунктінде 5 тамыз бен 5 қазан аралығында екпе алуы тиіс. Ары қарай вакцинация нүктесінен шығармашылық бейне-challenge түсіріп, оны Instagram және Tik tok-та жастардың ең көп санына тарату керек. Жарияланымдардың астында челленджге қатысушылардың санын бақылау үшін #stopCovid #молодежьзавакцинацию #nsjastary #astanajastary хэштегтері көрсетілуі қажет. Байқау соңында ең көп таралымға ие бейнеролик авторлары (1,2,3-орын) ақшалай сыйлық алады.

Байқау ережесінің шарттарымен Instagram парақшаларынан танысуға болады: @astana_jastary және @ns_jastary, немесе WhatsApp +77471909693 нөмірі бойынша хабарласуға болады», – деп хабарлады Нұр-Сұлтан қаласының Жастар саясаты мәселелері басқармасының басшысы Қайрат Қамбаров.

Жазба қандай әсер қалдырды?

Жазбаға баға беріңіз!

Орташа 5 / 5. Бағалар саны: 1

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.