Қылмыс/ОқиғаНұр-Сұлтан қаласы

Нұр-Сұлтан мен Астана бір қала ма? Білмеппін: әйел өзін алаяқтан құтқарып қалды

0
(0)

Әлеуметтік желіде астаналық әйелдің алаяқпен сөйлескен аудиожазбасы тарады. Елорда тұрғыны астананың бұрынғы және қазіргі атауын шатыстырған азаматтың алаяқ екенін бірден аңғарған.

Келіншек пен арам пиғылды азаматтың әңгімесі Instagram желісінде v_astane_official парақшасында пайда болды. Телефондағы әңгімеге қарағанда, азамат өзін оңтүстік астанадағы банктердің бірінің қызметкері ретінде таныстырған. Артынша ол әйелдің банк картасының мәліметтерін сұрамақ болып, қателік жіберген.

«Қазір жүйе сіздің мобильді қосымша арқылы Нұр-Сұлтан қаласынан кіргеніңізді растады. Сіз жүйеге өзіңіз кіріп жатырсыз ба? Сіз тіркеу орны бойынша Астана қаласында емессіз бе?», – дейді ер адам.

Ал жауап ретінде астаналық әйел азаматқа Астана мен Нұр-Сұлтанның бір қала екенін түсіндіреді. Бұл мәлімет алаяқты таң қалдырады.

«Нұр-Сұлтан мен Астана бір қала ма? Білмеппін», – дейді телефондағы дауыс. Артынша елордалық келіншек «банк қызметкерінен» аты-жөнін қайталауды сұрайды. Ал алаяқ телефонды тастай салады. Желі қолданушылары арам пиғылын жүзеге асыра алмаған алаяқты мазаққа айналдырды, ал кейбірі оның Қазақстаннан хабарласпағанын, сондықтан елорда атауы өзгергенін білмегенін айтты.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Ақнұр Сағатова

Инстаграм парақшасы

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button