Алматы қаласы

Алматыда ірі тұрғын үй кешені өртенді

0
(0)

Көп қабатты тұрғын үйде заттар мен жиһаз отқа оранды. Өрт сөндірушілер 55 адамды қауіпсіз жерге эвакуацияланды.


Алматыдағы көп қабатты үйден өрт шықты. Қалалық төтенше жағдайлар департаментінің хабарлауынша, пәтерлердің біріндегі жиһаз бен заттар өртенген. Өрттен ешкім зардап шеккен жоқ.

Оқиға 16 мамырға қараған түні Абай даңғылы, 150 мекенжайында, 17-қабаттық «Гауһартас» тұрғын үй кешенінде болған. Жалпы аумағы 30 шаршы метрлік 11-қабаттағы пәтерде жиһаз бен заттар өртенді.

«55 адам эвакуацияланды. Үйдің жабыны жарым-жартылай құлады. Құрбан болғандар мен зардап шеккендер жоқ», – делінген ТЖД таратқан хабарламада.
Төтенше жағдайлар департаменті тұрғын үй кешенінің жанында тұрған көліктер техникаға өрт шыққан жерге жетуге кедергі келтіргенін атап өтті.

«Егер жолды тез арада босатқан «109» құтқару қызметінің эвакуаторлары келмегенде, адам шығыны немесе зардап шеккендер болуы мүмкін еді. Жедел қызметтердің өтуіне кедергі жасамауды сұраймыз. Адам өмірі осыған байланысты», – деп атап өтті департамент.

Өрт сөндірушілер жалынды сағат 00:22-де сөндірді. Өртті жеке құрамның 70 адамы, 18 арнайы техника, сондай-ақ Бостандық ауданы полиция басқармасының қызметкерлері сөндірді.

Сілтеме

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Бөлісу:

Тағы да

Scroll Up
Close