Алматы облысыҚоғам

Шенеуніктің үйі 53 млн теңгеге аукционда сатылмақ

1
(1)

Пара алғаны үшін сотталып кеткен Талдықорған қаласы әкімінің бұрынғы орынбасары Әсет Шаяхметовтен тәркіленген коттедж аукционға қойылды. 

Ғимарат Талдықорған қаласының Біржан сал көшесінде орналасқан. Қазір оны Тіл орталығы жалға алып отыр.

Коттедж сотталған экс-әкім орынбасары фигурант болған қылмыстық іс бойынша тәркіленген. Жоғары лауазымды шенеунік қаладағы құрылыс компанияларынан 80 миллион теңге пара алды деп айыпталған еді.

2018 жылдың 6 қарашасында Алматы облысының қылмыстық істер жөніндегі мамандандырылған ауданаралық соты Шаяхметовке пара алғаны және қылмыстық ақшаны заңдастырғаны үшін 12 жылға қатаң режимдегі колонияда жазасын өтеу туралы үкім шығарды. Содан кейін үкім жеңілдетіліп, 11 жылға қысқартылған.

Шенеуніктің қылмыстық жолмен тапқан мүлкі тәркіленді: жер телімі бар үйдің үлесі, 2008 жылғы Toyota Land Cruiser 200, 2006 және 2013 жылғы Toyota Camry көліктері.

Енді әлгі үй ашық аукцион арқылы бағаны төмендету әдісімен 53 миллион теңгеге сатылмақ.

Сауда-саттық 10 наурызда басталады.

Жазба қандай әсер қалдырды?

Жазбаға баға беріңіз!

Орташа 1 / 5. Бағалар саны: 1

Әзір ешкім бағаламапты. Алғашқы болып баға беріңіз!

Ақнұр Сағатова

Инстаграм парақшасы

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button