Жаңалықтар

«Сот актілерінің мемлекеттік тілдегі үлгілері» жинағы таныстырылды

0
(0)

Республика судьяларының VIII съезінде «Сот актілерінің мемлекеттік тілдегі үлгілері» жинағы таныстырылды, деп хабарлайды Newsroom+Ақпарат агенттігі Жоғарғы Соттың баспасөз қызметіне сілтеме жасап.

Басылымды таныстыра отырып, жоба жетекшісі Нұргүл Қарағойшина қылмыстық және азаматтық істер бойынша 300 сот актілерінен және көлемі 700 беттен тұратын жинақты әзірлеуге бір жылға жуық уақыт кеткенін хабарлады.

«Жинақ материалдарын ғылыми талдау үшін әл-Фараби атындағы ҚазҰУ-дың Заң және филология факультеттерінің ғалымдарына жүгіндік. Заң сараптамасын аумақтық органдардың және Жоғарғы Соттың судьялары жүргізді», – деді Нұргүл Қарағойшина.

Көп сатылы тексеруден кейін ЮСАИД қолдауымен кітаптың 1 мың данасы шығарылды.

«Сот актілерінің мемлекеттік тілдегі үлгілері» жұмыс барысында пайдалану үшін аумақтық органдарға жіберілді.

Н.Қарағойшина жинақтың редакциялық алқасы – Ж.Асанов, Д.Әміров, Н.Шәріпов, А.Мерғалиев, Ө.Ыбыраев, Е.Боранбаев, Н.Қайыпжан, Г.Дүйсенбаев және А.Жүкеновке заңгерлік сараптама жүргізуге көмектескендері үшін ризашылығын білдірді. Б.Мұхитденова мен Г.Сәбитованың жинақты шығаруға қосқан үлестері атап өтілді.

Қарағойшинаның айтуынша, судьялар мен сот қызметкерлері үшін қосымша көмекші құрал шығару іс жүргізу тілін жетілдіруге және сот актілерінің сапасын арттыруға ықпал етеді.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Бөлісу:
Tags

Тағы да

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Scroll Up
Close