ЖаңалықтарШығыс Қазақстан облысы

Семейде Назарбаевтың атындағы даңғыл мен спорт кешені пайда болуы мүмкін

3
(2)

Шығыс Қазақстан облысы мәслихатының депутаты Айбек Нұғымаров Семейде Назарбаев даңғылы пайда болуы мүмкін екенін айтты деп хабарлайды Newsroom+ақпарат агенттігі  Arnapress.kz.-ке сілтеме жасап.

“Біз Қарағайлы шағынауданындағы әзірге атауы жоқ көшелердің біріне Назарбаев даңғылы деген атау берілгенін қалаймыз”, – дейді Айбек Нұғымаров.

Оның айтуынша, сонымен қатар бастамашылар спорт кешендерінің біріне Қазақстанның Тұңғыш президентінің есімін беру идеясын ұсынған. “Сондай-ақ дәл осы ықшамаудандағы спорт кешенді Тұңғыш президенттің құрметіне “Елбасы Арена” деп атау туралы бастама көтерілді”, – дейді Нұғымаров. Депутат атап өткендей, бұл идеяны қолдайтын бастамашыл топтың құрамында 30-ға жуық адам бар. Оның құрамына ақсақалдар, депутаттық корпус өкілдері мен қаланың белсенділері кірген. Басылым жазғандай, депутат бастама көтергендердің атын атамады.

“Барлығы мәдениет және спорт саласынан, қала белсенділері… Енді шешім қалалық мәслихаттың депутаттарында, содан кейін олар елордаға жібереді, барлығы сол жерде шешіледі”, – дейді ол. Еске салсақ, “Штрихи к портрету” деректі фильмінде Нұрсұлтан Назарбаев өзіне ескерткіш қоюға қатысты пікір білдірген еді. “…Сұқбат беріп отырған сәтті пайдаланып, тағы да басшылардан, қазақстандықтардан сұрайтыным, ондайға әуестенудің қажеті жоқ. Мұның түк керегі жоқ. Тірі кезінде ескерткіш орнату деген сөз – өлгеннен кейін ұрпақ сені есінде сақтап қалатынына сенбеу дер едім. Сондықтан мұндайға әуестенудің қажеті жоқ деп өтінемін. Керісінше біз қазір тарихи атауларды қайтарып жатырмыз”, – деген болатын Елбасы

Жазба қандай әсер қалдырды?

Жазбаға баға беріңіз!

Орташа 3 / 5. Бағалар саны: 2

Әзір ешкім бағаламапты. Алғашқы болып баға беріңіз!

Ақнұр Сағатова

Инстаграм парақшасы

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button