Жаңалықтар

Досым Сүлеев «Алматы түні» әні қалай шыққанын айтып берді

Аты аңызға айналған «Дос-Мұқасан» тобының мүшесі Досым Сүлеев ансамбль репертуарындағы «Алматы түні» әні қалай жазылғанын айтып берді, – деп newsroom.kz жазады Massaget.kz тілшісі дереккөздеріне сүйене отырып.

Бұл туралы өнер иесі Аман Тасығанның Talklike бағдарламасында әңгімеледі.

«Ансамбльдің аты шығып, танымал бола бастағаннан кейін Мәскеуден режиссер мен продюсер келіп, «Дос-Мұқасан» туралы деректі фильм түсіруге тапсырма алған. Біраздан кейін маған режиссер келіп, «Дос, сен ән жазады екенсің ғой. Кешкі Алматы туралы жақсы түсірілім жасадық. Алматы кеші туралы ән жазып берсең» деді. Саған ақша төлейміз, ақысын береміз деді. Мен ол кезде қаламақы деген нәрсені естімегем. Өзің жазасың, соған тағы ақша аласың, ол кезде 100 рубль», – дейді Досым Сүлеев. 

Осылайша режиссер композиторға ән жазуға бір айдай уақыт берген. 

«Той жырын» жарты сағатта жаза салғанымды естіген шығарсыздар. Үйге барып, отырсам дым шықпайды. Бір апта өтеді, гитараны, фортепианоны аламын, шықпайды. Көшеге шықтым. Шабыт жоқ, түнде барам, кешке де барам, арақ ішіп те бардым. 10 күндей қалды. Не істерімді білмедім. Тұманбай ағаға (Молдағалиев – еск.) бардым. Қалай қабылдар екен деп қорықтым», – дейді композитор. 

Бірақ Тұманбай Молдағалиев әннің сөзін бір күнде жазып берген. 

«Жұлдыздар жерге жақындап, 

Байланып қалған секілді. 

Қаз қатар өскен тату бақ, 

Ойланып қалған секілді. 

Біздің көшелеріміз тура қаз қатар тұрғандай. Ал «ойланып қалған секілді» дегені – кешке қарасам жапырақтар көрінбейді, ойланып қалған сияқты. Тамаша сөздер! Бір күннің ішінде әні жазылды. Бірақ «Алматы кеші» емес, «Алматы түні» деп өзгерттік. Бәрі келісті», – дейді композитор. 

Фото: massaget.kz

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.