Жаңалықтар

ҚазТрансГаздың экс-кеңесшісі: қажет емес министрліктерді жабу керек (видео)

4.1
(27)

Кәсіпкер, қоғам белсендісі Санжар Боқаев әлеуметтік желідегі парақшасында «тиімділігі төмен, қажет емес» министрліктерді жабуды ұсынды. Бұл туралы qamshy.kz сілтеме жасаған newsroom.kz жазады.

– Министрліктердің санын өсіріп, үкіметімізден қайтадан «бегемот» жасап жатырмыз. Мысалы, планетаның ең ірі экономикасы болып табылатын АҚШ-та 15 министрлік болса, Ресей Федерациясында 17 министрлік бар екен. Бірақ Қазақстанда олардан да көп – 18 министрлік. Мүмкін біздің экономикамыздың көлемі АҚШ пен Ресейге қарағанда үлкендеу және құрылымдық жағынан күрделі шығар, – деген белсенді «қажет емес министрліктерді, комитеттер мен ведомстволарды жабу керек» деген пікірде.

Оның айтуынша, Қазақстанда көпшілігі аэроғарыш өнеркәсібі министрлігінің бар екенін де білмейді. Осы министрліктен “Байқоңыр” космодромының қолданылу перспективасын зерттеуге 112 млн теңге қаржы бөлінген.

– Қасым-Жомарт Тоқаевтың Байқоңырды жалға беру уақытын 2050 жылға дейін ұзарту туралы құжаттарға қол қойғанын назарға алсақ, бұл әзіл сияқты естіледі. Егер біз бұл космодромды 2050 жылға дейін басқармайтын болсақ бұл зерттеудің не керегі бар? Байқоңырды Ресейге болмайтын тиынға өткізіп жіберудің орнына, осы жерде жаңа технологияларды дамытуы үшін Илон Маскпен (америкалық инженер – ред) хабарласып барлық мүмкіндіктерді жасауға болмас па еді? – деді С. Боқаев.

Қоғам белсендісі соңғы уақытта үкіметтің тиімсіз жұмысын, автоөнеркәсіп саласындағы көзбояушылықтарды, билікті және жемқорлықпен күрес әрекеттерін қатты сынап жүр.

Ол осы уақытқа дейін Алматы қаласының ішкі саясатының және жастар саясаты басқармасының жетекшісінің міндетін атқарған. «ҚазТрансГаз» ұлттық компаниясының Басқарма Төрағасының кеңесшісі және Nur Otan партиясы Алматы қалалық филиалы төрағасының орынбасары лауазымында болған. 

Жазба қандай әсер қалдырды?

Жазбаға баға беріңіз!

Орташа 4.1 / 5. Бағалар саны: 27

Әзір ешкім бағаламапты. Алғашқы болып баға беріңіз!

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button