ЖаңалықтарҚоғам

Павлодарлық 42 500 теңгеге эксперимент жасады: Бір адамға жете ме?

4
(36)

Павлодарлық Марат Сәбитов 42 500 теңгеге қызық эксперимент жасады, деп хабарлайды Newsroom+Ақпарат агенттігі Tengrinews.kz сайтына сілтеме жасап.

Ер адам Қазақстандағы өлшем бойынша ең төменгі жалақыға отбасымен бірге тұрып көрген. Оның айтуынша, балаларың болса бұл сомаға тұру мүмкін емес. Ер адам «42 500-ге өмір сүру» атты экспериментін Instagram-дағы парақшасында бөлісіп отырған.

«Тәжірибенің 20-шы күнінде балабақшадан 12 мың теңгеге түбіртек келді. Бүгінгі таңда оны төлеуге мүмкіндік жоқ. Бұл экспериментке жұбайыңды және үш балаңды неге қоспайсың деп сұрайтын барлық оқырманыма жауап осы. Ең төменгі жалақыға отбасын асырау мүмкін емес. 42 500 теңгеге балалар қарастырылмайды», – дейді Сәбитов.

Ер адамның айтуынша, оның эксперименті 24 қыркүйекте басталаған. Ол күн сайын сатып алған нәрселерін, тамағы мен салмағын көрсетіп отырады. Туыстары басында оған күлген екен, көмек ретінде кеспе мен шұжық та жіберген көрінеді. Қазір бәрі жай ғана бақылайды.

«Алғашқы күндері қатты тітіркену болды. Қазір ағзам үйреніп қалды. (…) Үнемі бәрін жоспарлап, үнемдеу керек. Бір күні азық-түлік сатып алуға үлгермедім. Отбасымнан көкөніс ұрлауға тура келді», – дейді павлодарлық.

42 500 теңгенің он мыңнан астамын Марат коммуналдық қызметтер мен жанармайға жұмсаған. Ал жұмысын жеке көліксіз істей алмайды.

Ер адам өнімдерді қарапайым дүкендерден сатып алады. Ас мәзірін күнделікті қолда бар тағамдардан жоспарлайды.

«Тәжірибе басталар алдында екі келі ет сатып алдым, оны пісірдім де кішкене бөліктерге бөліп, күніне бір-екеуін көкөніспен, ботқамен жедім. Қазір мен жарма мен көкөністер тұтынып жүрмін. Тауық бауырын жедім, ол еттің орнын басады», – дейді ол.

Марат әр тамағын шөптермен, мейізбен безендіруге, тағамды тәрелкеге әдемі салуға тырысады.​ Ол депрессиядан құтқаруға және көңіл-күйді көтеруге көмектесетінін айтты.

Ер адамның айтуынша, қазір ода 3 877 теңге қалған, оны айдың соңына дейін жеткізу керек.

Ер адам Қазақстандағы ең төменгі жалақы мөлшерін қайта қарау керек деп санайды.

Жазба қандай әсер қалдырды?

Жазбаға баға беріңіз!

Орташа 4 / 5. Бағалар саны: 36

Әзір ешкім бағаламапты. Алғашқы болып баға беріңіз!

Бөлісу:
Tags

Тағы да

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Scroll Up
Close