Жаңалықтар

2021 жылы Қазақстанда қанша шетелдік азамат жұмыс істей алады?

0
(0)

Қазақстанға шетелдік жұмыс күшін (бұдан әрі – ШЖК) тартуға жыл сайынғы квота жұмыс берушілердің қажеттілігі негізінде ағымдағы жылы республикадағы жұмыс күшінің санына қатысты 0,31%-ды немесе 29,3 мың бірлікті құрады. Бүгінгі күні 1,7 мың кәсіпорында 14,6 мың шетелдік азамат жұмыс істейді, бұл ретте ұйымдардағы қазақстандық қызметкерлердің үлесі 96%-ды құрайды, деп хабарлайды Newsroom+ақпарат агенттігі  ҚР Еңбек және халықты әлеуметтік қорғау министрлігі.

2021 жылы ШЖК тартуға берілген рұқсаттардың ішінде келесі санаттар бар: бірінші санат бойынша 1 354 рұқсат (басшылар және олардың орынбасарлары), екінші санат бойынша 7 510 рұқсат (құрылымдық бөлімшелердің басшылары). Тартылған ШЖК негізгі бөлігі үшінші (мамандар) және төртінші (білікті жұмысшылар) санаттарға жатады – тиісінше 12 235 адам және 4 170 адам. Сондай-ақ маусымдық жұмыстарға 2 976 адам тартылды.

Былтыр Мемлекет басшысының тапсырмасын орындау үшін, ішкі еңбек нарығын білікті емес шетелдік жұмыс күшінен қорғау және қазақстандықтар үшін жұмыс орындарын сақтау үшін ШЖК тарту квотасы 2019 жылмен салыстырғанда 40%-ға қысқартылды, бұл ретте жұмыс берушілердің тапшы мамандықтарға қажеттілігін өтей алды.

2020 жылы жергілікті атқарушы органдар ШЖК тарту үшін 17,3 мың бірлік (бекітілген квотаның 59%) мөлшерінде жұмыс берушілерге рұқсаттар берді және ұзартты.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button