Қоғамдық көліктер қашан жүре бастайды?

 186 

Бүгіннен бастап еліміздің барлық аймағында төтенше жағдай режимі алынды. Алайда карантин режимінің ұзартылуына байланысты қоғамдық көлік жұмысының басталуы әзірге нақты емес. Өңірлерде COVID-19-бен сырқаттанудың өсуі 7 күн ішінде 7 пайыздан аспайтын деңгейге жеткен жағдайда қоғамдық көліктің жұмысы қайта басталады. Бұл туралы ҚР Бас санитарлық дәрігері Айжан Есмағамбетова қол қойған ел халқын коронавирус инфекциясынан қорғау шараларын одан ары күшейту туралы қаулысында айтылған, – деп хабарлайды, NewsRoom+ тілшісі  Oinet.kz ақпарат агеттігіне сілтеме жасап.

«Облыстардың, Алматы, Нұр-Сұлтан, Шымкент қалаларының әкімдері, Қазақстан Республикасы Индустрия және инфрақұрылымдық даму министрлігі өңірлерде COVID-19 сырқаттанушылығының өсуі 7 күн ішінде 7 пайыздан аспайтын деңгейге жеткен жағдайда күшейтілген санитариялық-дезинфекциялық режимді және Көліктегі бас мемлекеттік санитариялық дәрігер белгілеген қосымша талаптарды міндетті түрде сақтай отырып, Қазақстан Республикасының өңірлері (авиарейстер) арасында кіруге/шығуға рұқсат беруді, осы қаулыға 15-қосымшаға сәйкес күшейтілген санитариялық-дезинфекциялық режимді және қосымша талаптарды сақтай отырып, шектеулермен қоғамдық көліктің жұмысын қайта бастауды қамтамасыз етсін», – делінген қаулыда.

Бөлісу:


Және де: