Жаңалықтар

Енді ұшақпен ұшу үшін 20 мыңға анықтама сатып алудың қажеті жоқ

0
(0)

 Енді ұшақпен қатынайтындар үшін Covid-19 инфекциясына ПТР тесттен өту міндетті емес. Бұл туралы көліктегі бас мемлекеттік санитар дәрігер Сәдуақас Байғабылов айтты, – деп хабарлайды NewsRoom+ тілшісі BAQ.kz ақпарат агенттігіне сілтеме жасап.

«1 мен 10 мамыр аралығында қатынаған әуе жолаушылары мен әуежайда қызмет көрсететін персоналдар арасында коронавирустық инфекция тіркелген жоқ. Сондықтан 11 мамырдан бастап жолаушыларға, әуежай қызметкерлері мен экипажға COVID-19  тестін міндетті түрде тапсыру талабы алынып тасталды, – деп түсіндірді Байғабылов».

Басқа санитарлық және карантиндік талаптар (әлеуметтік қашықтық, анкеталар, маска режимі, терминал ғимаратына кірмеу, байланыссыз термометрия) өз күшінде қалады. Дене қызуы бар немесе ауру белгілері бар адамдарға (жөтел, ентігу, ентігу) әуежай ғимаратына кірмейді, сондықтан әуе кемесіне кірмейді.  Олар карантинге жіберіледі.

Айта кетейік, бұған дейін 1-10 мамыр аралығында елорда мен Алматы аралығында әуе көлігімен қатынағандарға ПТР тест тапсыру міндетті болған. Оны алу ақылы еді.

«Нұр-Сұлтан, Алматы қалаларына ұшу үшін ПТР тест тапсыру керек. Бұл тест бір-ақ рет тапсырылады. Коронавируспен ауырмайтынын растайтын анықтама жеті күнге дейін жарамды. Барған қаласында жеті күннен артық бөгелмеген жолаушы үшін осы анықтама қайтып келуге де жарамды болады. ПТР тестті мемлекеттік және жеке меншік зертханаларда тапсыруға болады. Жеке меншік зертханада ПТР тест бағасы 19 -20 мың теңге аралығында болса, мемлекеттік зертханада 11500 теңге тұрады. Ондай зертханалар әрбір облыс, аудан орталықтарында бар, – деген болатын сол кезде Байғабылов».

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Back to top button