Жаңалықтар

Ақтөбеде жат діни ағымның жақтаушылары қаржы пирамидасын құрған

Ақтөбе облысы ПД Ұйымдасқан қылмысқа қарсы күрес басқармасының қызметкерлері қылмыстық орта өкілдерінің және деструктивті діни ағымдардың қылмыстық-бағдарланған жақтаушыларының заңсыз іс-әрекетінің жолын кесу бойынша жедел-іздестіру іс-шараларын жүргізу барысында өңірде автоломбард түріндегі қаржы (инвестициялық) пирамидасын құру және басқару фактісін анықтағанын, – Polisia.kz хабарлады деп newsroom.kz жазады.

Автоломбардтың атымен тұрақты қаржы пирамидасы құрылғаны анықталды. Жалған шарттарға сәйкес ұйымдастырушылар салымшыларға автокөлік құралдарын нарықтық бағадан жоғары бағаға сатып алуға уәде берген, бірақ автокөліктер нарықтық бағадан екі немесе одан да көп есе төмен үшінші тұлғаларға сатылған, ал төлемдер жаңа “клиенттерді” тарту арқылы жүзеге асырылған.

Арнайы операцияны жүргізу кезінде Полиция департаментінің Ұйымдасқан қылмысқа қарсы күрес бөлімшесінің жедел уәкілдері Ақтөбе облысы бойынша Экономикалық тергеу департаментінің қызметкерлерімен бірлесіп, осы заңсыз қызметке қатысы бар деген күдікпен қаржы пирамидасының екі ұйымдастырушысын және басқа да адамдарды ұстады.

Тінту барысында арнайы техника, ЖШС-нің заңсыз қызметіне қатысты құжаттама, діни сипаттағы әдебиеттер, банк карталары, электрондық жад тасымалдағыштар және ұялы телефондар тәркіленді.

Қазіргі уақытта күдікті пирамида басшылары соттың санкциясымен қамауға алынды. Қаржы пирамидасына қатысушы криминалитет өкілдері мен деструктивті діни ағымдарды ұстанушыларды әшкерелеу бойынша одан әрі тергеу-жедел іс-шаралар жүргізілуде.

Фото: Polisia.kz

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2023
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.