Жаңалықтар

РФ Ленинград облысында қазақстандық жауынгерлерге ескерткіш орнатылды

1
(1)

Қазақстанның Санкт-Петербургтағы Бас консулы Бауыржан Досманбетов елімізде құрылған 314-ші атқыштар дивизиясы жауынгерлеріне арналған ескерткіштің салтанатты ашылу рәсіміне қатысты. Бұл туралы  Newsroom+ақпарат агенттігі ҚР Сыртқы істер министрлігінің баспасөз қызметіне сілтеме жасап хабарлайды.

Іс-шара Ресей Федерациясының Ленинград облысы Лодейное Поле қаласындағы мемориалдық кешеннің Даңқ аллеясында өтті. Ескерткіштің етегіне «Майдан жолы» қозғалысының іздеушілері қазақстандық жердің бір уыс топырағымен капсула қойды.

Аталған рәсім Петропавл қаласында құрылған дивизияның 80-жылдығына орай ұйымдастырылды. Оның бастапқы құрамының 70%-тен астамы Солтүстік Қазақстан облысының тұрғындары болды. Дивизия құрамына 777 командир, 1 543 кіші командир және 8 611 қатардағы жауынгер кірді.

314-ші атқыштар дивизиясы Қызыл Армияның Ленинград, Волхов және 1-ші Украина майдандарындағы негізгі қорғаныс және шабуыл операцияларына қатысқан болатын. Ұлы Отан соғысы жылдары оның 3 832 жауынгері ордендермен, ал 4 694 медальдармен марапатталды.

Сондай-ақ, ескерткіштің ашылуы кезінде Қызыл-Орда облысынан шақырылған 1900 жылы туған жауынгер Емберген Асаиновтың мәйітін табыстау рәсімі өтті. Ол Ресейдің «ОПОРА» іздеу тобымен Ленинград облысының Киров ауданынан табылған болатын. Сарбаздың мәйіті әскери құрмет рәсімімен жерлеу үшін Байқоңыр қаласында тұратын немересіне табысталады.

Жазба қандай әсер қалдырды?

Жазбаға баға беріңіз!

Орташа 1 / 5. Бағалар саны: 1

Әзір ешкім бағаламапты. Алғашқы болып баға беріңіз!

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button