Жаңалықтар

«Қазақстан мәслихаттары депутаттарының бірлестігі» Республикалық қоғамдық бірлестігінің отырысы өтті

2022 жылғы 5 қазанда Астана қаласында «Қазақстан мәслихаттары депутаттарының бірлестігі» Республикалық қоғамдық бірлестігінің отырысы өтті, деп newsroom.kz хабарлайды.

Аталған жиынға Нұр-Сұлтан, Алматы, Шымкент қалалары мен облыстар мәслихаттарының хатшылары қатысты. Жиынды «Қазақстан мәслихаттары депутаттарының бірлестігі» республикалық қоғамдық бірлестігінің төрағасы Төлеубек Төлеуұлы Мұқашев жүргізіп отырды.

Жиында жуырда елімізде өтетін маңызды оқиға – Қазақстан Республикасы Президенттігіне «Қазақстан мәслихаттары депутаттарының бірлестігі» Республикалық қоғамдық бірлестігінің атынан ұсынылатын  кандидатты айқындау, Жалпыхалықтық референдумнан кейінгі Қазақстанның жаңа саяси арнаға түсуінің тарихи сәтінде жүзеге асырылғалы отырған өзгерістерді талқылау және пікір алмасу, ұсыныс білдіру сынды мәселелер қаралды.

Өздеріңізге белгілі, Қазақстан Республикасының Президенттігіне кандидаттарды саяси партиялар мен республикалық қоғамдық бірлестіктер ұсына алады. Осы орайда, «Қазақстан мәслихаттары депутаттарының бірлестігі» республикалық қоғамдық бірлестігі төрағасының орынбасары – Түркістан облыстық мәслихатының хатшысы Қайрат Рахымұлы Балабиев республикалық қоғамдық бірлестіктің атынан Қазақстан Республикасы Президенттігіне кандидат ретінде Қасым-Жомарт Кемелұлы Тоқаевты ұсынды.                       Ол өз сөзінде: «Президентіміз Қасым-Жомарт Кемелұлы Тоқаев аса салмақты саясаткер, биік парасаттың иесі, терең білімді дипломат, кемел басшы, тек елімізге ғана емес, бүкіл әлемге белгілі ірі тұлға, саясат сахнасында шыңдалған, Тәуелсіздігімізді нығайтуға орасан зор үлес қосқан мемлекет қайраткері.

Бүгінде Президентіміз аса күрделі геосаяси жағдайда жаңа Қазақстанның негізін қалап, оның көшін бастап келеді.  Шындығында, Әділетті Қазақстан құру жолында елімізде ауқымды реформалар қолға алынып, саяси мәдениеттің қалыптаса бастауы баршамызды қуантады.

Сондықтан, Қасым-Жомарт Кемелұлы Тоқаевтың кандидатурасын қолдаймыз және Қазақстанымыздың көшін бастауға лайықты тұлға деп білеміз. Оның қазақстандықтарды сара жолдан адастырмай, биіктерге бастай беретініне бек сенімдімін» – деді.

Өз кезегінде, жиынға қатысушылар Қасым-Жомарт Кемелұлы Тоқаевты Қазақстан Республикасы Президенттігіне кандидат ретінде қызу қолдап, бірауыздан ұсынды.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.