Түрікмен президенті Г.Бердымұхаммедов Балкан уәлаятына сапары барысында әскери ұшақты тізгіндеп, зеңгір аспанда қалықтады.
Бұл туралы time.kz сілтеме жасаған newsroom.kz порталы жазады.
Вице-премьер мен елдің қорғаныс министрі әскери балансқа жаңа ұшақтар мен өзге де техникалардың келіп түскенін мәлімдеген соң, толыққанды ұшқыштардың киімін киген Аркадағ аспан көгін әскери ұшақпен бір қалықтап келген.
Жерге қонған президенттің ұшу шеберлігіне тәнті болған қорғаныс министрі оның ұшу кезінде киген униформасын Бердымұхаммед Аннаев (Аркадағтың атасы) атындағы әскери мектептің музейіне қоюға рұқсат сұрап, президент келісімін алған.
«Әскери ұшақ кез-келген жағдайда ұшуға әзір» – деп оң бағасын берген түрікмен президенті елдің әскери-техникалық базасын біртіндеп жаңалауға уәде берген.
