Алматы қаласыЖаңалықтар

Ол ұят: Алматы облысының әкімі Сапарбаевтың әрекеті туралы айтты

0
(0)

Алматы облысының әкімі Амандық Баталов есептік кездесуде жерге түсіп кеткен Елтаңбаны көтермеген Жамбыл облысының басшысы Бердібек Сапарбаевтың әрекеті туралы не ойлайтынын айтты.

Баталов өз пікірін «Азаттық рухы» порталына берген сұқбатында білдірді.

Журналистің «есептік кездесу кезінде Елтаңба құлап қалса, әкім не істеуі керек?» деген сұрағына:

«Ол ұят. Бердібек Мәшбекұлы (Сапарбаев – Sputnik) менің досым, үлкен азамат. Мен оны былай жасамады, былай жасады деп айтпаймын. Енді сондай жағдай болды. Әркімнің реакциясы әртүрлі. Мен, мысалы, қаншама зат құлайды, өзім волейболшымын ғой, құлатпай қағып алар ма едім, бәлкім. Түсінесің бе? Әрине, мынаны ал деген дұрыс емес. Ол өзі көтеруі керек еді. Бұл оның қателігі», – деді әкім әріптесінің әрекеті жайлы.

Бірақ, Баталовтың айтуынша, осы үшін облыс әкімін сөз қылып, оның қызметіне баға беруге болмайды.

«Ол керемет адам, нағыз патриот. Мен оны білемін. Елбасы қиын жағдайларда қай жерге жіберген жоқ?! Барды да, күн-түн демей, өз-өзін аямай жұмыс істеп жүрді… Мен оның керемет жүрегін, керемет патриот, керемет адамгершілігін өте жақсы білемін», – деп түйіндеді сөзін Алматы облысының әкімі.

Елтаңба құлаған сәт

Келеңсіз оқиға 19 ақпан күні Жамбыл облысы әкімінің халыққа есеп беру кездесуінде болды. Жиын онлайн форматта өткен еді.

Өңір басшысы Бердібек Сапарбаев сөйлеп тұрғанда мінберге бекітілген Елтаңба жерге түсіп кетті. Әкім сөзін тоқтатып, жанындағыларға «алсайшы ананы» деп, рәмізді көтеруді тапсырды. Содан кейін әрі қарай сұрақтарға жауап беруді жалғастырды.

 

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Ақнұр Сағатова

Инстаграм парақшасы

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button