Спорт/Шоу-Биз

«Өз театрын жөндеп алсын»: Қоянбаев киносын сынаған Уәлибек Әбдрайымовқа жауап берді

0
(0)

Отандық танымал әзілкештер Нұрлан Қоянбаев пен Уәлибек Әбдірайымовқа арасында үлкен дау туындады. «Шаншар» әзіл-оспақ театрының басшысы бүгінде кино таспалауды меңгерген інісін фильмдерінде орыс пен қазақ тілін араластырып жатқаны үшін сынға алған болатын. Кинопродюсер өз кезегінде өнердегі ағасына жауап беріп, оған да өз тарапынан театрға қатысты кеңес берген деп жазады Newsroom.kz тілшісі KAZ.NUR.KZ ақпараттық агенттігіне сілтеме жасап.
Уәлибек Әбдірайымов КВН жұлдызын қазақ тілін қорлап, ауыл адамдарын кемсітіп жатыр деп сынаған болатын.

«Орысша-қазақша араласқанға мен кешіре алмаймын. Өзін көрсету мақсатында, кино түсіре алатынын білдіру мақсатында қаржыңды жинап алып, осындай әрекетке баруға болатын шығар. Ал енді әрекеттен өткеннен кейін, ұлтыңызға қарай қызмет істегендеріңіз дұрыс болады ғой.
Өтініш менен, қазақ тілі – кемпір шалдың тілі болмаса ауылдан келгендердің тілі болмасын. Бізде қазір кинода қазақша кемпір-шал мен ауылда тұрған бір адамға сөйлетіп қояды. Ал мықты әрі ақылды сөздер орысша айтылады. Сонда не қазақтың балалары ақымақ па?» , – деп ашуын білдірген болатын ол.
Бұл сынға Қоянбаевтың айтар жауабы да дайын болып шықты
«Кейбір ағаларымыз сынайды. Қалай  аға болып жас балаларды сынауға болады? Інілері еңбек етіп жатыр ғой. Жаман нәрсе жасап жатқан жоқ. Әзіл ұрлап, өңдеп шығарып жатқан жоқ. Өзінің әзілдерін көрсетуде. Бұл орын алған дауды өзі түсіндірсін. Бастаған өзі, өзі аяқтасын. Сол ғаламторда шу шығармай, маған өзі хабарласып айтса болатын еді. Мен жылына бір кино түсіремін. Ары кетсе екі кино.
Менен басқа елде, 50-60 шақты өзге тілде кино түсіруде. Халықтың ақшасына қаншама орыс тілді кино түсірілді. Мені не қыласыздар? Аздаған жеке қаражатқа кино түсіріп жатқан адамбыз. Соған қарамастан рекорд жаңартып жатырмыз. Және ол кісі де өз театрын дұрыстап алсын, патриот болса. Ескі декорациямен концерт жасап, халықтан ақша жинай бермей» , – деді Қоянбаев.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Бөлісу:
Tags

Тағы да

Scroll Up
Close