Спорт/Шоу-Биз

«Ей, арсыздар ойлансаңдаршы!»: Ринат Зайытов биліктегілерді тағы да сынады

0
(0)

Белгілі ақын Түркістан облысындағы дүние-мүлкі су астында қалып, зардап шеккен халықтың обал-сауабы басшыларда екенін айтты.

Бұл туралы Зайытов Іnstagram парақшасында жазды.

Көктем келе салысымен жылда халқымыз жадырап, жайнап күлудің орынына су астында қалып, зар жылап, шарасыз шулайтыны біздің елде әдетті жағдайға айналып бара жатқандай. Жылда Қазақстанның әйтеуір бір-екі өңірі суға батады да жатады. Халық ақша жинайды, біз жұбату сөзін айтып, сабырға шақырамыз. Жыл сайын осы. Неге? Себебі біреу, басшылыққа бәрібір.
Міне осы арсыздардың немқұрайлылығының зардабын жазықсыз халық тартады да жатады.
Әйтпесе, сол Мақтаралдың халқын алдын ала неге ескертіп, неге көшіруге жәрдем бермеді? Әттең… тістеніп отырып жазу жазудан, белсенді топқа азғантай тиын аударудан басқа қолымыздан түк келмейді… Ей, арсыздар ойлансаңдаршы.
жылда суда қалып жатырмыз ғой. Қашан әрекет жасайсыңдар? Келесі қай обылыс? Ең болмаса соны ертерек ескертіп айтыңдар, деп жазған Ринат Зайытов қалған ойын өлең шумақтарымен жеткізген.

«Ғажаппыз»- деп жылда айтқанмен атамыз,

Бір апатқа жылда ұшырап жатамыз.
Қыс келгенде жылу таппай үйлерге
Көктем келсе топан суға батамыз.

Жемірлерге басты уайым өз басы
Белгілі ғой халыққа қол созбасы
Ей әкімдер, бұл жай ғана су емес
Бұл жазықсыз халқымыздың көз жасы
Сілтеме

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Бөлісу:

Тағы да

Scroll Up
Close