Ғылым

Түлектердің грантқа түсуге екі мүмкіндігі болады – Аймағамбетов

Түлектердің ҰБТ тапсыруға екі мүмкіндігі бар. Бұл грантқа түсемін дегендерге жақсы мүмкіндік деді Білім және ғылым министрі Асхат Аймағамбетов, – деп хабарлайды newsroom.kz сайты Tengrinews.kz  сілтеме жасап.

«Instagram-да грантқа түсу үшін ҰБТ тапсыруға екі рет мүмкіндік беруді сұрап мені белгілеген бірнеше жазбаны көзім шалды. Шешім қабылдағанда мектеп оқушыларының мүддесіне басымдық бердік. Сондықтан бұл жолы біз сіздің пайдаңызға шешім қабылдадық, сіздің ҰБТ тапсыруға және грантқа түсуге екі мүмкіндігіңіз бар. Бұл эмоционалдық жүктеме мен стресті азайтады», – деді білім министрі түлектерге арнаған үндеуінде.

Сонымен қатар, Аймағамбетов ҰБТ электронды форматқа көшіріліп, мүмкіндігінше әділ болатынын айтты.

«Орнатылған камералар, бақылау жүйесі және хабар тарату сізді уайымдатпауы керек. Бұл шара әділ нәтиже алу үшін қажет.

ҰБТ жылына бір емес, төрт рет өткізіледі. Бұл біздің қызметкерлердің күш-жігерін талап етсе де, сіздің уайымдарыңызды азайтатынын және бірден университеттерге түсуге бірнеше мүмкіндік беретінін білеміз», – деп қосты ол.

Министрдің айтуынша, ерекше қажеттіліктері бар балалар үшін де арнайы жағдай жасалған. Биылдан бастап оларға тапсырмаларды орындауға қосымша 40 минут уақыт берілді.

«Ыңғайлы болу үшін калькуляторларды пайдалануға рұқсат еттік.

Биылғы жылы ҰБТ ұпайлары туралы ғана емес, әр пән бойынша нәтижелердің тақырыптық талдауын аласыз. Бұл сіздің әлсіз жақтарыңызды талдауға және біліміңізді жетілдіруге мүмкіндік береді.

Мемлекет басшысының қолдауының арқасында қазір грант алуға мүмкіндіктеріңіз көп. Биыл тағы 15 мың грант бөлініп, шәкіртақы мөлшері 15 пайызға өсті», – деді Білім және ғылым министрлігінің басшысы.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.