Соңғы 15 жылда 11 мемлекетке жалпы төлемнің (94,4 млрд АҚШ доллары) 15,2%-ы немесе 14,4 млрд АҚШ доллары біздің елге аударылған, деп Newsroom.kz жазады Ranking.kz дереккөздеріне сүйене отырып.
Бұл ақпарат биыл ақпан айының ортасында Еуразия тұрақтандыру және даму қорының (ЕТДҚ) егемен қаржыландыру деректер базасында (SFD) жарияланды. Халықаралық гранттар мен несиелер қандай мақсаттарға жұмсалды? Бірінші орында мемлекеттік басқару және басқару секторы. 3,5 млрд АҚШ доллары немесе ҚР жалпы егемен қаржыландыруының 24,3%-ы қазақстандық шенеуніктерді қаржыны басқаруға, тәуекелдерді есептеуге және реформаларды жүзеге асыруға үйретуге жұмсалды.
Инфрақұрылым (3,3 млрд АҚШ доллары) және көлік (2,7 млрд АҚШ доллары) жобалары екінші және үшінші орнында. Халықаралық банктер Қазақстанға жол салуға, нысандарға энергетикалық аудит жүргізуге, энергия үнемдейтін технологияларды енгізуге, тариф саясатын өзгертуге көмектесті. Ең көп қаржыландырылған бестікке экономикалық саясат, қаржы және банк ісін дамытуға арналған көпсекторлыжобалар мен бағдарламалар да кірді. Осы екі санат бойынша жалпы шығын 3,9 млрд АҚШ долларын құрады.
Бірақ әлеуметтік салаға басымдық берілген жоқ. Даму институттары Қазақстанға денсаулық сақтау жобаларына 84,3 млн АҚШ долларын, білім беру мен еңбек ресурстарын дайындауға 287,3 млн АҚШ долларын, қауіпсіздік, құқық және сот төрелігін дамыту секторына 36 млн АҚШ долларын бөлді. Соңғы 15 жылда егемен қаржыландыру аясында ғылыми зерттеулерге грант немесе несие бөлінген жоқ.
Фото: liter.kz
