Қоғам

Тоқаевты қолдау жөніндегі Республикалық қоғамдық штаб Ұлытауда болды

Amanatpartiasy.kz дереккөздеріне сүйене отырып, президенттікке кандидат Қасым-Жомарт Тоқаевтың Республикалық қоғамдық штабының сайлаушылармен кездесуі Ұлытау облысында жалғасты, деп newsroom.kz хабарлайды.

Жезқазған қалалық Халықтар достығы мен мәдениеті үйінде өңір жұртшылығымен кездесу өтіп, оған 500-ге жуық адам қатысты.

Ұлытаулықтармен әңгімелесу кезінде РҚШ мүшелері кандидаттың «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасында көрсетілген өңірлерді дамыту мәселелеріне ерекше назар аударды.

Республикалық қоғамдық штабтың басшысы Ерлан Қошанов Ұлытау топырағы ұлт бірлігін бейнелейтін қасиетті мекен екенін атап өтті.

«Ұлтымызды ұйыстырған Ұлытау жері – елдіктің, бірліктің бастауы. Біз алдымыздағы сайлауда соны тағы бір мәрте дәлелдеуге тиіспіз. Біздің бір тудың астына жиналып, коалиция құруымыз да осының айғағы. Бірлігіміз кез-келген сынақты еңсереді. Алдағы сайлауда да өз бірлігімізді көрсетуіміз керек», – деді Ерлан Қошанов.

Бұдан кейін, Республикалық қоғамдық штабтың мүшелері «ULYTAU NAN» ЖШС нан зауытында болып, кәсіпорын қызметкерлеріне кандидаттың бизнесті дамыту және кәсіподақтарды қолдау жөніндегі сайлауалды бастамаларын түсіндірді.

Өңірдегі жетекші кәсіпорындардың бірі «Kazakhmys Smelting» ЖШС мыс балқыту зауыты саналады. РҚШ мүшелері металлургтермен Қасым-Жомарт Тоқаевтың сайлауалды бағдарламасында көрсетілген өндірістегі еңбек құқықтарын қорғау және өңдеуші өнеркәсіп кәсіпорындарын жаңғырту мәселелерін талқылады.

Қасым-Жомарт Тоқаевтың сайлауалды бағдарламасының толық мәтінімен toqaev2022.kz сайттан танысуға болады.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.