Қоғам

«AMANAT» партиясының депутаттары Екібастұздың тұрғындарымен кездесті

Мәжіліс депутаттары, «AMANAT» партиясы фракциясының мүшелері жағдаймен танысу және халыққа жедел көмек көрсету үшін Екібастұз қаласына келді. Халық қалаулылары үй-үйді аралап, жылытқыштар мен жылы киім-кешек табыстады, деп newsroom.kz хабарлайды.

Депутаттар арнайы құрылған жедел штабта төтенше жағдайдың жай-жапсарын талқылады. Оған облыс басшылығының, барлық техникалық қызметтің, энергетикалық кәсіпорындардың және Энергетика министрлігінің өкілдері қатысты.

Мәжіліс депутаты Артур Платонов бүгінде гуманитарлық көмекті жеткізу жұмысы белсенді жүріп жатқанын атап өтті.

«AMANAT» партиясы тұрғындарға көмек көрсету ісіне белсенді атсалысып жатыр. Мобильді бригадалардың құрамындағы қоғам белсенділері үй-үйді аралап жүр. Жалғыз тұрып жатқан зейнеткерлер, ерекше қажеттілігі бар азаматтар, мұқтаж отбасылар туралы ақпарат жиналуда», – деді ол.

Осы күні депутаттар қала тұрғындары үшін жылыту пункті орналасқан №36 мектепке барды. Қалада дәл осындай 12 пункт ашылды. Сонда-ақ, халық қалаулылары Екібастұздағы қалалық ауруханаға барды. Қазіргі уақытта мұнда 240 емделуші бар.

«Терапия және педиатрия бөлімшелерінің жұмысымен таныстым. Аурухана штаттық режимде жұмыс істеп жатыр. Жоспарлы және жедел жеткізілген емделушілерді қабылдайды», – деді Мәжіліс депутаты Айгүл Нұркина.

Мәжіліс депутаты Ерлан Саиров кінәлі адамдарды жауапқа тарту мәселесі туралы ойын білдірді.

«Еліміздің энергетикалық активтеріне аудит жүргізу қажет. Осы игіліктерді әділетсіз иеленіп, түскен қаржыны жаңғыртуға емес, өз қалтасына салған азаматтар заң алдында жауапкершілікке тартылуы қажет», – деп атап өтті Ерлан Саиров.

Мәжіліс депутаты Вера Ким Екібастұзда азаматтарға көмек көрсету үшін «AMANAT» партиясының «Жастар Рухы» жастар қанатының волонтерлер штабы жұмыс істеп жатқанын жеткізді.

Екібастұзда апаттық-қалпына келтіру жұмысы жалғасып жатыр.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2023
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.