Қоғам

Көпбалалы ана неліктен жауапқа тартылды?

Павлодарда ішімдікке құмар көпбалалы ана жауапқа тартылды, деп хабарлайды Newsroom.kz порталы Azattyq Rýhy сайтына сілтеме жасап.

Павлодар облысы Успен ауданының полиция бөліміне ауыл тұрғыны спирттік ішімдіктерді асыра пайдаланатыны және өзінің кәмелетке толмаған балаларын тәрбиелеу жөніндегі міндеттерді орындамайтыны туралы жасырын хабарлама келіп түсті. Аталған үйге дереу ювеналды полицияның аға инспекторы Дамира Букаева, сондай-ақ кәмелетке толмағандардың істері жөніндегі комиссия келді.

«Ауыл тұрғынына келіп, оның ішімдік ішкенін көрдік, ал үйде бейтаныс адамдар болды. Әйелдің 17, 16, 10, 7 жастағы төрт баласы бар. 17 жастағы бала ғана үйде болса, қалғандары көрші үйде болған», – деді аға инспектор Дамира Бұқаева.

Ауыл тұрғынына қатысты полицейлер ҚР ӘҚБтК-нің 127-бабының 1-бөлігі (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) бойынша әкімшілік хаттама толтырып, материалды сотқа жолдады. Сондай-ақ, әйелмен балаларды тиісті тәрбиелеу қажеттілігі туралы профилактикалық әңгіме өткізілді.

Бірақ соған қарамастан, көп ұзамай әйелдің үстінен тағы да шағым түсті. Полиция оны бұл жолы да әкімшілік жауапкершілікке тартты. Енді материал тек сотта ғана емес, сонымен бірге кәмелетке толмағандардың істері жөніндегі комиссияда да қаралады, онда оның ата-ана құқықтарын шектеу туралы мәселе шешіледі. Полиция бұл әйелдің бұрын үлгілі өмір салтын ұстанғанын және жергілікті үкіметтік емес ұйымдардың бірінің жетекшісі болғанын, бірақ ішуді жақсы көретін адамдармен жиі араласып жүріп, балаларына қамқорлық жасау тікелей міндеті екенін ұмытып кеткенін атап өтті.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.