Қоғам

«Жастар Рухы» Жастар қанаты 1000-нан астам шараларды жүзеге асырды

Бұл жайында «Жастар Рухы» Жастар қанатының өкілдері жария есеп беру кезінде атап өтті, деп newsroom.kz хабарлайды.

Жастар қанатының төрағасы Нұржан Жетпісбаев ұйым ребрендингінен кейінгі жүзеге асырылған жобалар мен өткізілген іс-шаралар  жайында нақты айтып берді:

«Өздеріңіз білетіндей, өткен жылдың шілде айында «AMANAT» партиясы «Жастар Рухы» Жастар қанатының кезектен тыс VI съезі өткен болатын. Съезд барысында ұйымның атауы ауысып, Жастар қанатын трансформациялаудың жаңа бағдарламасы  қабылданды. «Жастар Рухы» – білім мен еңбекқорлыққа, отансүйгіштікке ұмтылған, 100 мыңнан астам жастың басын біріктірген еліміздегі ең үлкен ұйым. Жыл көлемінде түрлі ауқымды әлеуметтік, экологиялық, патриоттық, мәдени-бұқаралық және қайырымдылық әрі игі шаралардың басмашысы болдық. Бұндай шаралар 1000-нан асады»,– деді ол.


2022 жылы Жастар қанатымен «Qaisar» әскери-патриоттық жобасы, «ТазаLike» экологиялық жобасы, «AMANAT CUP» бірінші республикалық шахмат турнирі, футболдан жастар арасындағы турнир, «Dombyra Party», «Bir Tolqynda» және «Рухтастар Cases» диалог алаңдары, Қостанай облысы мен Екібастұздағы төтенше жағдай кезіндегі көмек, Республика күніне арналған «Менің елім-менің Туым» акциясы, қазақ тілін үйрету бойынша «Менің елім-менің тілім» жобасы, жастарды жұмысқа орналастыруды көздейтін «Жастарға жұмыс» жобасы және т.б. іске асырылды.

«Былтырғы жылдан бастап қазақ тілін насихаттау бойынша «Менің елім – менің тілім» жобасын бірлесіп іске асырып келеміз. Осы жылы 12 аймақта «Сөйле» тілдесу үйірмелерін ашуға шешім қабылдадық. Жастар қанатының өңірлік филиалдары инфрақұрылымының арқасында сапалы жұмыс жүргізіліп жатқанын атап өткім келеді», – деп айтып өтті.


Сондай-ақ, «Жастар Рухы» жетекшісі жүргізілген трансформация арқасында ұйымға жаңа мүшелерін қосылғанын атап өтті:

«Президент Қасым-Жомарт Кемелұлы атап өткендей, біздің барлық жобаларымыз бен іс-шараларымыз жастардың білімін жақсартуға, еңбекқорлығы мен отансүйгіштігін арттыруға бағытталған. Әрине, жобалар жастардың заманауи сұраныстарын ескере отырып іске асырылды. Сондықтан да нәтижелер көңіл толарлық. Біздің қатарымыз түрлі жастармен толықты. Мысалы, ауыл мұғалімі және тиктокер Асыл Ахметова, әскери Ұлан Мырзабай, тележүргізуші Ақбөпе Тәңірберген, шорт-трекші Абзал Әжғалиев, Нұрсұлтан Құрман және т.б.», – деді Нұржан Жетпісбаев.


Шара соңында Нұржан Жетпісбаев жастар ұйымының алдағы жоспарларына тоқталды:

«2023 жыл біз үшін үлкен мақсаттар мен ұмтылыстармен басталды. Біз барлық 20 аймақтың, әр ауылдың жастарымен байланысты нығайту бойынша қарқынды жұмыс жүргізуге ниеттіміз. Жастарды, олардың бастамаларын қолдауға дайын екендігімізді атап өткім келеді. Біз әрқашан ұсыныстарға ашықпыз».

Айта кету керек, еліміздің жетекші партиясының жастар қанатының 22 жылдық тарихы бар. Ұйымның ребрендингі 2022 жылы кезектен тыс VI Съезде өтті.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.